Shillong, July 21: Shillong aro Tura-o medical college-rangko a·bachengna am·ani bidingo bang·a ja·ku de·anirangko dakengaha ine Health Minister Ampareen Lyngdoh parakataha.
Uandake Shillong Medical College-ko chalaina bang·a chu·sokanirangko man·engaha aro pilak kamrangko matchotate medical college-ko man·a dipet ta·rake a·bachengatna skotong minister krengenga.
“NEET-ni u·iatgimin gita chinga counselling-ko somoi gitan matchotgen ine ka·dongsoenga. NEET-ni counsellingko ta·raken a·bachengatna aganaha aro Meghalaya sorkari-ni health department iako ru·utgija salrangni gisepo u·iatgen. Adita salrangni ja·mano, chinga Shillong Medical College-ko a·bachengatna man·gen ine ka·dongenga,” ine Lyngdoh parakataha.
Uandake, North Eastern Hill University (NEHU) baksa registration aro affiliation-ko matchotaha, aro medical college-o skanggipa bilsina skia-poraianiko a·bachengatna skang Letter of Permission-ko (LoP) sengenga ine minister janapaha.
Una agreba, ge·gni nangchongmotgipa departmentrangna manderangko seokanirangko da·o dakenga, aro skigiparangko, mongsongbate clinical departmentrango, chu·onge rakkina kam ka·enga ineba minister aganaha.
Tura Medical College-ni bidingoba kamrangko ka·engaha aro 78% dakna nanggnirangko matchotengaha ine Minister parakataha.
“Tura Medical College-ko chalaianio mongsonggipa nanggipa bak-ara Public-Private Partnership (PPP) model-ko ra·gatna ine tik ka·anian ong·a. Chinga dingtang dingtang dakna nanggipa kamrangko aro gadangrangko matchotaha aro iarangko da·o ru·utgijan cabinetna ra·chakna tarienga. Cabinetni ra·chakgimin model-ko man·e, college-ko chalaina man·gipa manderangko man·ahaode, mikkang bilsionide a·bachengatna man·aignok,” ine ua talataha.
Uandake, re·baenggipa salrangni gisepo skotong minister-ni dilanichi cabinet-ni ra·chakaniko man·ani ja·mano college-ni bidingo u·idapatanirangko dakgen ineba ua aganaha.
Na·simang iakoba nina man·gen:
Na·simang iakoba poraina man·gen: An·tangko so·ote sia ine chanchichipenggipa minggni case-rangko WGH-o man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
