Shillong, Feb 29: Shillong songjinmani Laban gittimo donggipa Maxwelton Estate-o Non-Tribal ba Tribal ong•gijagipa manderangko niam gri songdong a•chana on•jawa ine Khasi Students Union (KSU) parakatenba, ia biapo nokgri-jamgri ong•enggipa Khasirangna nokko rikna a•bachengatskaaha.
Maxwelton Estate-o Tribal ong•gijagipa manderangsa niam gri songdong a•chatokenga ine KSU matnangatenba, ia biapo songdongenggipa Non-Tribal-rangko sal 15-ni gisepon a•rikgalchina gita re•anggipa February-ni 14 tarikon sorkarina somoiko on•angahachim.
Indake ong•genchimoba, KSU-ni on•gimin somoi gita ia biapo songdongenggipa Non-Tribal-rangko a•rikgalajahani gimin Bristibar salo, sorkarini kosako jegalaniko mesokna KSU-ni membor-rang, lekka pal•takrango see jingjengatanirangko dakangaha.
Ia biapo Khasirangna rike on•gipa nokrangko pe•galjachina sorkariko mikrakatengon, KSU-ni rike on•gipa nokrangko sorkari pe•galgenchimode, jolo donggipa pilak nokrangkon KSU pe•galskagen ine KSU Laban circle-ni president Reuben Najair parakataha.
Adita salrangna skangsan, Meghalaya a•dokni Deputy Chief Minister aro Home (Police) Minister Prestone Tynsong, Maxwelton Estate-o songdongenggipa manderangara niam gri songdongenggiparangsa ong•bebegenchimode ia biaponi apjitna gita tarie dongna nanggnok ine aganahachim.
Ia biapo songdongenggipa manderangara niam gri songdongenggiparangsa ong•genchimode niamo pangchake, uamang dingtang biapona apjitna nangtelgen ine ua aganahachim.
Na·simang ia video-koba nina man·gen:
Na·simang iakoba poraie nina man·gen: Assam-o Mobile Medical Unit-rangko Union MoS Rameswari Teli a•bachengate on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
