Shillong, June 2: Shillong songjinmani Khyndailad aro Motphran jolrango garirangni apchangket ong·aniko komiatna gita local taxi-rangna ‘odd-even’ nomboro pangchake salrurana East Khasi Hills District Administration-ni niam ra·gataniko Sukrobar salo, East Khasi Hills a·jani Taxi Drivers Welfare Association (TDWA) raken jegalatskaaha.
Khyndailad aro Motphran jolrango taxi salgipa garirang bang·dugaengahani a·sel ramarang namen apchangket ong·atako man·engaha aro manderangna kenchakna nangani ong·enga ine parakatenba, ia jolrango local taxi-rangna ‘odd-even’ nomboro pangchake garirangko salrurana gita East Khasi Hills a·jani Deputy Commissioner ge·etaniko on·angahachim.
Indake ong·engon, Deputy Commissioner-ni niam on·aniko taxi salgiparang jegalatskaenba, Sukrobar salo Madal Malki-o jinma tom·aniko ong·atangaha.
Ja·mano taxi salgipa manderang, East Khasi Hills a·jani DC-ko grongenba, ia niamko ra·galpilchina gita didiangaha.
Iakoba poraie nina man·gen: SGH-o office re·chipgijagipa officer-na show cause notice on·a
 raken jegalatskaaha.){kind=link}