Baghmara, June 2: South Garo Hills a·jao Water Resources department-ni officer saksa, kam join ka·chengaonin changsaba office re·chipja ine matnangako man·ani ja·man ia officer-na South Garo Hills a·jani Deputy Commissioner, show cause notice-ko on·angaha.

Koborko on·ani gitade, adita salrangna skang, Baghmara-ni MLA Kartus R Marak, Water Resources office-ona re·ange nion, officer saksa kam join ka·chengaonin changsaba office re·angkuja ine ma·sina man·ahachim.

Uandaken MLA-ni u·iataniko man·soani ja·man, ia officer-na salgittamni gisepon aganchakaniko on·china gita South Garo Hills a·jani Deputy Commissioner, Meghalaya Service Conduct Rules 1990-ni Section 3-o pangchake show cause notice-ko on·ataha.

South Garo Hills a·jao iandake mitam officer-rang aro gipin kam ka·enggiparang, kamtangtangchi re·na gisik nangjaengani gimin kamrangko nambate ka·china aro somoi gita office-rangchi re·china Baghmara-ni MLA Kartus R Marak didianiko on·atahachim.