Shillong, Nov 20: Salgro Salaram-o technology-ko dilgipa ine Meghalaya a•dok re•mikkangengon, December 3 tarik, 2025-o State Convention Centre, Shillong-o Regional AI Impact Conference-ko sokachakna tarisamsoenga.
Ia tom•bimonganiko India sorkarini Ministry of Electronics & Information Technology-ni (MeitY), ning•o donggipa IndiaAI Mission baksa bakrime ong•atenga.
Ian AI Impact Summit 2026-ona ong•egen aro ia tom•bimonganio Meghalaya-o AI-ko jakkalani bidingo chanchisamsoanirangko mesokgen aro a•dokni skotong minister Conrad K. Sangma AI-ko jakkalani miksongani, sorkariko rikani aro dingtang dingtang kamrangko AI-ko jakkalaniko niksamsoanirangko manderangna parakatgen.
“AI for CE (Artifical Intelligence for Citizens’ Empowerment): Smarter Governance, Better Lives),” ine pangchakaniko done, ia tom•bimonganio sorkarini dal•dalgipa official-rang, international tech company-rang, skul/collegerangni manderang, karkanarangni dilgiparang aro startup-rangni manderang re•bae bakrimgen. Karirangni dingtangrorobaengani kri janggi tangani, sorkariko nambate rikani, digital cholrangko jakkalani aro nambata songsarko rikanio AI-ko jakkalani gimin chanchirimanirangko dakanggen.
Information Technology & Communications Department-an ia tom•bimonganiko ong•atenggipa nodal agency ong•a aro IIM Shillong, Knowledge Partner dake bakrimskaenga. IndiaAI Mission team ma•mong sorkario AI-ko jakkale kam ka•anirangko mesokangskagen.
Ia tom•bimonganio adita mongsonggipa kamrangko a•bachengatani aro soi ka•anirangko dakanggen jekai Bhashini Hackathon (Garo & Khasi language), MeghDEE Program, Data aro AI Lab-ko a•bachengatna MoU aro MATH T-Hub-ni MoU.
Uandake, Union Minister for Electronics & IT, Salgro Salaram aro Central ministry-rangni dal•dalgipa official-rang re•bae bak ra•egen ine ka•dongsoenga.
Ia tom•bimonganio a•dokni skotong minister aro dal•dalgipa investor-rang mikkanggrike Meghalaya a•dokko India-ni Salaram-o digital aro gitalgipa cholrangni a•dam dake tariani bidingo chanchirimanirangko dakanggen.
Apsan somoion Showcase Arena-o ong•ate dingtang dingtang mesokanirang, workshop-rang, bak ra•giparang baksa agangrikanirang aro uandakgiparangko ong•atanggen. Sorkarini dolrang, bakrimenggipa karkanarang aro am•sandianiko dakgipa dolrang AI aro gital nakatbaenggipa technology-ni cholrangko mesokanggen.
“December 3-o tom•bimonganiona tarisamsoani gita, IIM Shillong, NIT Meghalaya, aro NIELIT Shillong-o AI-ni gimin agan-skie on•anirangko daksoengaha,” ine IT&C Department-ni Commissioner & Secretary, Pravin Bakshi parakataha.
Na·simang iakoba nina man·gen:
Na·simang iakoba poraina man·gen: Gital nokona apjitani ja•man gitcham Assembly nokko pe•galgen: Dhar
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
