Shillong, Jun 2: Sombar salo, Meghalaya a•dokni Chief Minister Conrad K Sangma, Shillong Sports Association (SSA)-ni kal•chakramo nala tarianirangko nina re•angaha aro ia stadium-ko nambate tarina association-ni official-rang baksa agangrikangaha.
Ia SSA kal•chakramko nieanio kobor ra•timgipa manderang baksa agangrikengon, SSA-ni dilgiparang uko mol•molahani gimin ua ia kal•chakramko nina re•baaha ine Chief Minister talataniko on•angenba, dingtang dingtang a•selrangchi ia kal•chakramni nalarangko tarianio somoirangko nangaha ine parakataha.
Ia kal•chakramni nalarangko tarianio adita neng•nikanirangko chagrongna nangahani a•sel somoirangko nangahaoba ia kal•chakramko somoi gitan matchotate on•na jotton ka•enga ineba ua ku•rachakaniko on•angaha.
SSA-ni football league-ko da•o bakan a•bachengna siengaha aro ia kal•susaanio dol 100-na baten dingtang dingtang robol kal•gipa club-rang bak ra•enga.
Ia robol kal•chakramko ta•raken matchotatna nangengaha ine janapatskaengon, kamrangko somoi gita matchotatna uamang, Sports department-ni chu•gimik official-rangkon okamate agangrikaha aro kamrangko salchet ba salskuni gisepon matchotatna official-rang ku•rachakaha ine Chief Minister parakataha.
Ia SSA robol kal•chakgipa biapara namen mongsonggipa kal•chakram ong•engani gimin aro ian Shillong-ni mongsonggipa biapo ong•ani gimin ia stadium-ko nambate tarina gita uamang master plan-ko tarichina ge•etaha ineba Sangma aganaha.
Ia stadium-kon 2027 bilsio sokachakenggipa National Games-oba robol kal•susaanirangna jakkalna man•gen ineba Chief Minister aganaha.
Na·simang ia video-koba nina man·gen:
Na·simang iakoba poraina man·gen: Sohra jolo man•gipa sogimin manggisiara Raja Raghuvanshi-nian ong•a ine ma•sina man•a; Jikgipako sandikuenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
