Shillong, Jun 2: Sombar pringo sipai dolrangni, Sohra jolo man•gipa sogimin manggisiara Indore songjinmaoni re•bagipa tourist sakgnioni saksa Raja Raghuvanshi-nian ong•a ine official-rang ma•sina man•aha aro da•o uni jikgipakoba dingtang dingtang biaprangoniko sandiengkua.
Ia sogimin manggisiko Sombar pring 11:15 bajimango, Weisadong chidare sambao donggipa a•silangoniko sipai dolrang man•aha aro ia manggisiko man•ani ja•man official-rang, ia manggisiara sal 10-na skang, Indore songjinmaoni re•bae Sohra jolo gimaenggipa tourist saksani manggisi ong•ama ong•ja uko name am•sandiaha.
Ia manggisiko niechina gita police-rang, gimaenggipa tourist sakgnini ma•drangrangkoba okamataha aro manggisiko niani ja•man ian Raja Raghuvanshi-ni manggisian ong•a ine ma•drangrangoni parake on•aha.
Police official-rangni u•iatani gitade, ia manggisiko drone-rangchi am•sandienba, ia a•silangoniko nikna man•aha.
Ia tourist sakgni, re•anggipa May 22 tariko, Shillong-oniko scooty para ra•e, Nongriat songo donggipa Double Decker Root Bridge-ona re•angna ine Mawkakhiat songona sokbaaha. Nongriat songona re•dilna gita uamang songni saksa Bha Wansai minggipa local guide-ko rimaha aro Nongriat songo uamang Shipara Homestay-o waltueaha ine official-rang aganaha.
Pringgipino, chong•motan May-ni 23 tarik pring 6:00 bajimango uamang Mawlakhiat-ona re•angpilna ine homestay-oni re•ongkatangaha. Indake ong•genchimoba, uamangko Nongriat-oni Mawlakhiat-ona re•angpilako ba Mawlakhiat parking lot-o uamangni scooty-ko man•a ingipani giminde police-rangna seachi u•iatako man•soa dongjaha ine official-rang aganaha.
May-ni 24 tarik wal 9:00 bajimangosa Sohrarim songni sordar, gale donanggipa scooty-ko man•ani gimin kobor on•aha aro uandaken ia manderangni gimaani bidingo uamangni ma•drangrang FIR-ko ka•aha ine Sohra-ni ADC parakataha.
Iana skang, May-ni 22 tariko ia jiksesa, Saitsohpen Sohra-o donggipa Manha Homestay-oba napangaha indiba iano biap dongjani gimin aro mikkarang jimbee waengani gimin an•tangtangni bakosrang baksana biming aro phone nomborko on•e, uamang gipin biapko sandina re•angaha aro ja•manosa uamang Nongriat-ona re•angaha ine official-rang aganaha.
Indake ong•engon da•o segipani manggisikode man•ahani gimin police-rang, uni jikgipa Sonam Raghuvanshi-koba samba jolrangonikon bilakbate sandina a•bachengataha.
Na·simang ia video-koba nina man·gen:
Na·simang iakoba poraina man·gen: Dibrugarh-o Songdu Chibima dal·baanichi bang·a manderang neng·nikaniko man·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
