Shillong, Match 19: Shillongoni kam ka·gipa journalist Princess Giri Rashir mingnambegipa Ramnath Goenka Award-na seokanio chegipa ong·aha. Ua award-ko Excellence in Journalism ine pangchake, Environment, Science aro Technology-ko parakatani bidingo on·aha. Award baksana Rashir tangkakoba gong lak 1 man·aha.
Award-ko 2021 aro 2022 bilsirango jawilwato mesoke parakatgipa koborrangna Monggolbar salo Delhio on·aha. Awardrangko on·na tom·anio ma·mong sorkarini Road Transport & Highways minister Nitin Gadkari mongsonggipa sokgipa ong·e on·aha.
Rashir-ni EastMojo documentary, jekon “Choking amid coking: Meghalaya coke factories leave no room to breathe” ine katta bichongko done tariaha, Meghalayao koela karkanarangni mandena namjabeani ong·aniko mesokani gimin dingtangmancha niksenggipa ong·aha.
Ramnath Goenka Awardko Ramnath Goenka Foundation a·bachengate on·baenga. Ua awardrangko journalism-ni ming 13 a·barango nambatsranggipa ine uamangni basegiminrangna on·ronga. Ua ming 13 a·barango investigative journalism, sports, politics & government, books, feature writing aro regional language a·barangkoba man·chapa.
17gipa changna awardrangko on·anio manderangko basee rai on·giparangni gisepo Justice B N Srikrishna, Prof. (Dr) C Raj Kumar, Dr SY Quraishi, aro K G Suresh bak-rengsi dongaha.
Na·simang iakoba poraina man·gen: Shillongo boma gopretatgiparangoni mongsonggipako rim·a; rim·a gimik sak 7 ong·aha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
