Shillong, March 19: Shillongni Them Mawlongo boma gopretatanio mongsongbatgipa mandeko rim·na man·anichi uano jak donggiparang ine policeni rim·a da·o gimik sak 7 ong·aha.
Ri-Bhoi aro Mairang police dolrangni nangrime kam ka·anichi March 9 tariko boma gopretatanio mongsong jak donggipako mandeko East Khasi Hillsni Mairangoniko rim·aha. Uan Peinlang dongoni bilsi 21 ong·gipa Namphyrnai Lingdoh Peinlang ong·a. Uko rim·e Sombar salo Shillongona ra·baaha.
Rim·a man·gimin manderang aro HNLCni manderangni gisepo bak donganirangko da·o u·iroroengaha ine police parakataha.
Boma gopretani salgnini gisepon uano jak donga ine chanchipe manderangko rim·na a·bachengaha. March 12 tariko bilsi 58 ong·gipa HNYF-ni Tarson Lymba-ko Dawki-oniko aro Shillong Malki jolni bilsi 26 ong·gipa Ebakordor Nongpluh-ko rim·aha. Salgipino, chong·motan March 12 tariko HNLCni sleeper cell-ko police chadrapanichi Shillong aro Nongpoh-o boma bretatatkuna miksonganiko champengna man·aha.
HNLCni sak 4 manderangko Ri-Bhoi districtoniko rim·aha, jemangkon Damanbha Ripnar (Shall Lapang), Robinis Ripnar, Jill Tariang aro Shining Nongrum ine bimingrangko police parakataha.
Sleeper-cellko chadrapani salgni ja·mano HNLC uamangni boma gopretanio jak donganiko kange ra·aha, aro Sweeper Colonyo donggipa nokdang 342ko jitatchina gita sorkarina jasako somoi on·e ka·mikkenataha. Uamang ka·mikkenataniko on·engoba policeni chel·chake dongengania Shillong songjinma aro gipin districtrangoba namen bilaka ine East Khasi Hillsni SP, Rituraj Ravi aganaha.
Na·simang iakoba poraina man·gen: Re·baenggipa electiono pangchake SVEEP programrangko ong·atna tik ka·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
