Gangtok, Dec 23: Sukrobar salo, Indian Army-ni truck gari bolsa, North Sikkim-ni Zema jolo a•sel ong•anichi sak 16 Army-rang siangna gita nangaha.
Koborko on•ani gitade, Sukrobar pringo Indian Army-ni gari bolgittam, Chatten-oni Thangu-chipakna re•angengachim indiba Zema-ona dakanggipa gonggegipa ramako re•angengmiting somoio ia truck gari tang•skotenba a•kuangchi ga•akonangaha.
A•sel ong•a bakan, army-rangko jokatna kamrangko ka•aha aro a•sel ong•anio saknaa man•gipa sipai sakbrikode helicopter-o ra•angaha.
Ia a•sel ong•anio junior commissioned officer sakgittam aro sipai sak 13 saknaanirangko man•e siangna gita nangaha.
