Tura, May 23: Skanggipa changna Gynecological laparoscopyko Turani Maternity and Child Hospital-o surgery ka·ani Bristibar salo nambee chu·sokaha. Ia surgery ka·aniko Dr. Dylan G Momin, obstetrician & Gynecologist, FMAS & DMAS dilaha. Dr. Blandina Marak Anaesthetist, aro an·tangtangko on·kange sana-bananio dangdike on·enggipa gipinrangba ia chu·sokanio jak on·e kam ka·anichi ia dal·begipa surgery name matchotna man·aha
A·bachengao uamang bilsi 37 ong·gipa me·chikma saksani tumor ni dol ovarian cystko konta 2 adha mangna surgery ko ka·chengaha. Hospital-o chu·onga gita palang dongjani gimin aro minggipinara iako skanggipa changna surgery ka·na nangengani gimin saenggipa mandeko sal 4 ba salbonga admit ka·ani ja·manosa surgery ka·na man·aha.
Ia Gynaecology laparoscopyko ka·na chongipa camera aro lightrangko sikatesa ka·na nanga aro iako dakanichi sa·dikanirangko komiatan baksa ta·rake namninganikoba on·a dakchaka.
“Chinga ka·gitalrang ong·genchimoba iako name dakna man·aha” Maternity and Child Hospital-ko aro ia surgeryko chu·sokatna jak on·pae kam ka·gipa sakanti nurse aro doctor-rangko mittelpile Dr. Dylan G Momin aganaha.
Na·simang ia video-koba nina man·gen:
Na·simang iakoba poraina man·gen: Salgro-Salaram a·dokrang diltugipa jolrang ong·jaha, PM Modi-ni aganani
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
