Guwahati, May 23: Assamni South Kamrup a•jani songrango mongmarangni napbaaniko a•rikna ine Forest Department Bristibar salo kamrangko a•bachengataha.
Ia mongmarangko Meghalayani sima arichipakni burungrangona watatpilna krengenga. Batanggimin bilsirango mongmarangni napdraanirangko bang•en nikna man•aha indiba Palashbari jolni manderangnade iandakgipa obostarang ong•rongkujachim.
Re•anggipa antio Rangamati songni mande saksako mongma doke siataha. Obostarang namrorojaengako nike, Kamrup a•jani dilgiparang Palashbari jolo donggipa dam 14 songrango BNSS, 2023-ni Section 163-o pangchake Bristibar salni attam 3 bajioni Sukrobar pring 5 bajiona manderangko ong•katjachina hukumko on•aha.
Forestni manderang aro dingtangmacha skie ra•gimin Goalpara songni manderang mongma dal•gimin mangsa aro bi•sa manggittamko, wa•alrangko so•e aro slai-rangko goe burungchipak watatna jotton ka•aha.
Palasbari MLA Hemanga Thakuria kobor ra•timgiparangna talatengon, “Palasbarini dingtang dingtang biaprango adita salrangna mongmarang rorame dongengahachim aro uandaken mande saksako doke siatahani gimin chinga mongmarangko mande songrangoniko a•rikna tik ka•aha aro iako dakanio ching baksa bakrimchina chinga songni manderangko mol•molata”, ine Palasbarini MLA Hemanga Thakuria parakataha.
Assamni bang•a biaprango mongma nape neng•nikatanirangko namatna Forest Department gisik nange kamrangko ka•enga.
Na·simang ia video-koba nina man·gen:
Na·simang iakoba poraina man·gen: Skanggipa changna Gynecological Laparoscopyko surgery ka·ani Turani MCH-o nambee chu·soka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
