Tura, Nov 9: Meghalaya a·dokni Skotong Minister Conrad K Sangma, Tura-ni Dakkopgre-o gital rikgipa Meghalaya Public Service Commission (MPSC) office nokko nokdonggae on·aha.
Ia nokdongganio, Meghalaya Legislative Assembly-ni Speaker Thomas A Sangma, West Garo Hills-ni Deputy Commissioner Vibhor Agarwal, MPSC-ni Chairman Abraham T. Momin aro officialrang dongpae bak ra·angaha.
Tom·anio Skotong Minister Conrad K Sangma jinmana aganprakengon, ia gitalgipa MPSC office nokko rikanichi Shillong-ona konta 10 ba 15 mangni gita neng·e re·e porikka segipa Garo Hills a·jani chadamberangna namgniko on·gnok, maina uamang Tura-on porikka sena aro interview-rangkoba on·a man·gnok ine aganaha.
Unbaksana, MPSC-ni porikkako November 14 tariko skanggipa changna Tura-o ong·atanggen aro apsan daken iandakgipa cholrangko Jaintia Hills a·jaoba on·a chanchisamsoenga ineba ua janapataha.
Meghalaya Legislative Assembly-ni Speaker Thomas A Sangma-ba, ia office nokko nokdonggae on·aniara kakket bewalo mongsongbate manderangna namgniko on·a miksonge sorkarini ja·ku de·ani ong·a ine aganaha.
Ia MPSC office nokko Tura-o rikanio Garo Hills a·ajani manderangna namgniko on·gen, ianon porikka sechakgen, interview-koba ra·gen aro kamo rakkiani gipin kamrangkoba ianon matchotatgen ine nikna man·a.
Na·simang iakoba nina man·gen:
Na·simang iakoba poraina man·gen: Chang 49-gipa Wangala chrokani sak hajalni hajal manderangni gisikrangko an·saoata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
