Shillong, Apr 7: Meghalaya-ni dam 180 lower primary school-rangko taridapna ine fund-rangko tikatanio mikkang niteanirangko dakenga ine KHADC-ni Executive Member aro Mawthadraishan-ni MDC Powell Sohkhlet matnanganirangko dakenba an·tangni jajrenganirangko parakataha.
“Eastern West Khasi Hills a·jaoni dam 180 schoolrangoniko school dam8-kosan taridapna ine sorkari tangkarangko tikataha, uandake West Garo Hills a·jao dam 38 school-rang, West Jaintia Hills a·jao dam 29, East Khasi Hills a·jao dam 19, East Jaintia Hills a·jao sam 9 aro West Khasi Hills-o a·jao dam 8 school-rangko seokaha,” ine Sohkhlet parakatenba, schoolrangko seokanirango dingtanggrikani a·selrangko sing·doangaha.
“Lower primary school-rangko taridapna aro nambatatna a·dok sorkarini ja·ku de·aniko anga namnika, indiba tangkarangko tikatanio mikkang nitea gita nika. Eastern West Khasi Hills-o dam 80-na baten government lower primary school-rang donga, aro bang·batarang school nokrangan namjaha, indiba iarangoni dam 8-kosan seokaiaha,” ine ua talatangaha.
Uandake, deficit aro adhoc school-rangna tikatgimin kror 125 tangkarangoniko jakkalchina Sohkhlet janape on·aha. “Ia skulrangni skigiparang sorkarioniko dormaharangko man·a indiba skul nokrangko taridapanirangko skulni management committee-rangna pakwata. Ianoni tangkarangko ia lower primary school-rangko taridapna jakkalna man·jawama?” ine ua sing·doaha.
“Ia tikatgimin tangkarangko contractor-rang tik ong·e, chatro-chatrirangni namgnina jakkalenga ine nirokatna Dorbar-rang aro skulko chalaigiparangko anga mol·molatenga,” ine ua agandapangaha.
Na·simang iakoba nina man·gen:
Na·simang iakoba poraina man·gen: Internet-ko name jakkalchina SSLC topper-rangoni saksa agana
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
