SHILLONG, Dec 7: Robol kal·susaanio da·odipet a·dokoni niksengenggipa Shillong Lajong FC-ni coach gitcham aro Meghalaya a·dokni mande Alison Kharsyntiew-ko North East United FC (NEUFC)ni assistant manager ong·e dolo bakrimegen ine koborrangko man·soaha.
Iani bidingo uamangni Twitter-o seachi u·iatanggipao, “NEUFC team-ko nirokatani aro skie on·ani a·baona Coach Alison Kharsyntiew-ko dingtangmancha chinga kusie ong·bee rimchaksoa,” ine NEUFC seataha.
We are delighted to welcome Coach Alison Kharsyntiew to the NEUFC Coaching Setup. Hailing from Meghalaya, Alison will join us as the Indian Assistant Manager to the first team.
1/3 pic.twitter.com/LPa8t9Xqz6
— NorthEast United FC (@NEUtdFC) December 6, 2020
“Meghalaya a·dokoni saksa ong·pae, Alison ching baksa skanggipa team-ni Indian Assistant Manager ong·e bak ra·angpagen ine janapatan baksa, ua (Alison) iana skangrango Shillong Lajong FC-na dangdike on·angaha jeon ua a·dokni niksenggipa robol kal·na sapgiparang jekai, Rakesh Pradhan, Nim Dorjee, Nabin Rabha aro Pragyan Gogoi-maangko mikkangchina name tariangaha ineba uno janapatjolaha.
Indake ong·engon, giprorogipa sabisi sokanichi sorkarini ge·etgimin niamrang pilakkon matchote ja·rikatani ja·manosa ua ru·utgijan team baksa ong·egen ineba NEUFC seachi janapataha.
Koborrangko man·soani gitade Alison, batanggimin 2012 bilsionin Shillong Lajong-ni chasong damberangko robol kal·na sapgipa ong·atanichi ma·sigiminni gunrang uno gnang aro ja·delgimin robol kal·gipa dolko badita changrangna kingking assistant coach ong·e nirokbagipaba ong·a.
North East United FC da·o ong·enggipa Indian Super League (ISL) 2020-21-o mija anti bon·achibara Sonibar salo SC East Bengal baksa mikkanggrike kal·susaango 2-0 chi amatani ja·man da·odipet dolgipinrangchi amata man·kugija donge points table-o gnigipa biapona sokdoangaha.
