25.7 C
Tura
spot_img

Kragijagipa kamrangko dontongode Sorkari HNLC baksa golpogen: Tynsong

Must read

Shillong, Dec 7: Meghalayani Dakchakgipa Skotong Minister Pa. Prestone Tynsong bobil dakgipa HNLC dol an·tangtangni namgijagipa kamrangko ka·enganiko dontongode Sorkari tom·tomanina golporimgen ine aganaha.

“Na·simang tom·tomaniona daariode namgijagipa kamrangko watgalsrangbo, maina chinga Ma·mong Sorkari an jako ra·e tom·tomanina ja·ku ga·china ine pakwate u·iatmanaha” ineba aganaha.

Champengako man·enggipa bobil dakgipa Hynniewtrep National Liberation Council dol sason ni bidingogiparang baksa tom·tomanina golporime pilak dakna nanggnirangkon matchotatna ku·mongrimenga. Tom·tomaniko chinga nangnikengon Sorkarini namgnirangko on·enggipana an·tangtangko bame on·enga ong·ja indiba 1947 bilsi intal dontongenggipa kamrangko Sorkarini chu·sokatanikosa chinga nangnika ine HNLC ni Jakrikra aro kobor on·timgipa Sain Kupar Nongtraw re·anggipa budbar salo seachi u·iataha.

Tom·tomanina golporimna gita boksisko on·engon HNLC ba una gisiko nanggipa ong·na nanggen ine batanggimin somoio a·dokni Home Minister Pa. Lakhmen Ryumbui ni agananina uamang aganchakskaaha.

2004 bilsio HNLC dol tom·tomanina golporimna inenba ma·mongna lekka sedoahachim indiba una aganchakja, Rev. P.B.M. Basaiawmoit ko dikdiksa somoina baltigipa ong·china seokoba ia obostako da·laonan mamingko dakgija gale donaienga ine Nongtraw aganaha.

Uandake 2014 bilsio uamang jinmana u·iate Sorkari baksa dakgrik dinggrikaniko dongtonge Indiani Jakgitelani Salko manianikoba champengjahachim.

2019 bilsio chinga Skotong Minister Pa. Conrad K. Sangma ni u·ianio MDA Sorkarini saksa Minister baksa golpoe chingni ja·ku ga·enganirangko aro nangnikanirangko aganahachim indiba uamang mamingkon dakna bilsokja ineba Nongtraw aganaha.

Adita sal somoirangna skang East Jaintia Hills District-ni Sutnga Elakani Sookilo songo IED bomb ko gopretate uan an·tangtangni jakma ine kange ra·anina bobil dakgipa HNLC dolni kosako Meghalaya Police niamko pe·ani mokordomako segatahachim.

Jolo joa kal·anina aro me·chikrangni kragija dake janggi tanganina uarangko dontongatchina ge·ataniko elaka ni Dolloi knachakjaha unasa Sookilo antidamo chinga IED bomb ko gopretataha ine HNLC a·kangaha.

spot_img

More articles

spot_img
-->

Latest article