Shillong, March 29: India-ni Election Commission, East Khasi Hills a·jani ning·o donggipa Sohiong constituency-o eleksinko ong·atna tarik tik ka·giminko Butbar salo u·iatangengon, May jani 10 tariko eleksinko ong·atenba May-ni 13 tariko vote-rangko changen ine parakataha.
Election Commission-ni u·iatani gitade, nomination lekkarangko chekani April 21 tariko ong·gen, uandake nomination-rangko ra·pilani April jani 24 tariko bon·kamgipa ong·gen ineba janapataha.
Indake nikatna man·gen, chong·motan, Sohiong-ni UDP candidate Pa HDR Lyngdoh-ni tanggitik ong·e a·gilsakko wate re·angani gimin India-ni Election Commission, Sohiong constituency-o ong·atgnigipa assembly eleksinko dontongatahachim.
Indake ong·engon, sianggipa Pa HDR Lyngdoh sagini palo uni gritang Synshar Lyngdoh-ko Sohiong constituency-o susaatskana gita UDP dol parakataha. Uandake, Sohiong consitutency-o eleksin ong·nakenggipao a·dokni cabinet minister gitcham Pa Samlin Malngiang, NPP dolni candidate ong·e susaanggen, Congress dolba, saksa officer gitcham aro 1983 bilsioni 1988 bilsiona Sohiong-ni MLA ong·anggipa Pa Nit Shabong-ni depante Osborn Kharjana-ko susaatangskagen.
