Tura, June 6: Sombar walo, bilsi 21 ong·gipa mande saksako South Garo Hills a·jao, mongma matte mangsa doke siataha.
Koborko on·ani gitade, bilsi 21 ong·gipa Sengkam R Marak, Sombar walni 11:00 bajimango mande siaoni noktangona re·bapilengachim indiba uko Simsang chibima paksao donggipa Alokpang-ona dakanggipa ramao mongma matte mangsa chadrapsoenba so·ote galangaha.
Uni manggisiko Mongolbar pringo police-rang man·pilaha ineba kobor on·aha.