Ampati, Oct 11: Sukrobar salo, South West Garo Hills a·jani Anti-Narcotics Task Force (ANTF) Monabari Police Outpost-ni ning·o donggipa Mirzumla jolo motor parts aro hardware dokkan damsaoniko am·sandianirangko dake adita Yaba tablet-rangko man·aha aro uandake saksa mandeko rim·aha.
Rim·ako man·gipa mande-ara Assam-ni Mankachar-ni Mohontapara-o songdonggipa Md. Safik Alom (35) minggipa mande ong·a. Sandianirangko dakengmitingo, ANTF dolrang YABA ine chanchichipgipa komilani rongni tabletrangko tepbri man·aha, aoro uano 584 tabletrang donga jean 64.37 gramrang jrea, aro una agreba mobile phone-ko man·aha.
Narcotic Drugs and Psychotropic Substances (NDPS) Act-ni ning·o pilak dakna nanggnirangko ja·rikaha aro pilak man·gimin bosturangko police-rangni jak ra·aha ine official-rang aganaha.
Uandake, ia pekgipa bosturangko badingsrukbagiparangnni bidingo police dolrang am·sandianirangkoba a·bachengataha.
Na·simang iakoba nina man·gen:
Na·simang iakoba poraina man·gen: CWSSU-o World Mental Health Day-ko ong·atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
