Shillong, May 10: Umdohlun-Wahkaji jolni dingtang dingtang songni dilgiparang baksana, South West Khasi Hills-ni Khasi Students’ Union (KSU), ru·uta bilsirangoni jolni manderangni dabibaenggipa Community and Rural Development (C&RD) block-ko Umdohlun ba Wahkaji-o songani bidingo a·dok sorkariko gisik ra·attaia gita a·dokni C&RD Minister, Pa Abu Taher Mondal-ko Butbar salo grongangaha.
Minister-ko gronge agangrikangani ja·man KSU-ni padot, Forwardman Nongrem, koborna aganangengon, Umdohlun aro Wahkaji-ni ning·o gimik song dam 44-rang gnang aro uanoni mitam songde Mawkyrwat Block-ni ning·o ong·a, jeni a·selan songni manderang chel·bea ramarangko songrebana gita nangenga, uandaken, mitam songrang Ranikor Block-ni ning·o ong·skaani gimin badiaba songni manderangde Block office-onan konta 3 ba konta 4-rang ja·achisa re·bana nangpilenga ine parakataha.
“Gital C&RD block-ko songchina gita a·jani manderangni sorkario dabiani ian skanggipa ong·ja ine janapatengon, songni manderangna a·dok sorkarini kamrangko C&RD office-rangsa sokate on·gipa ong·ani gimin aro jolo maming namroro-silrorodapanirang dongjani gimin song dam 44-ni manderangni dabia gita South West Khasi a·jani ning·o gital block-ko songe on·na gita nangchongmota ineba Nongrem janapataha.
Ia mamlako jako ra·enggipa minister-ni uamangna ku·rachakataniko sing·on, minister uamangna maming ka·dongatanikode on·atjaha indiba, ia mamlako cabinet tom·anio a·dokni skotong minister baksa chanchirimna gita ku·rachakataha ine KSU-ni dilgipa agandapataha.
Iakoba poraie nina man·gen: Baghmara Civil Hospital-ko rika tik ong·gijanina a·jani dolgittam NGO-rang suk ong·gijaniko paraka
