Shillong, Apr 27: Robibar walo, South West Garo Hills a•jani mitam bakrango mikka balwa ta•rakangenba, dingtang dingtang songrango nok-jamrang nosto ka•ako man•angaha aro komibeoba sak 76 manderang, nangchakeako man•aha.
Deputy Commissioner (DC) office-oni u•iatani gitade, South West Garo Hills a•jani dingtang dingtang biaprango mikka balwa ta•rakanganichi, bang•en nok-jamrang nosto ka•ako man•ahaoba, janggi gimaani ba mata bu•anirangkode knasona man•jaha.
South West Garo Hills a•jao mikka balwa ta•rakanganichi, Rerapara, Zikzak aro Purakhasia C&RD Block-rang nangchakeaniko man•bataha ineba official-rang parakataha.
Official-rangni u•iatani gitade, mikka balwa ta•rakanichi, Rerapara Block nangchakeaniko man•bataha aro ia block ning•o komibeoba dambonga songrang aro sak 36 manderang, neng•nikanirangko chagrongna nangaha. Ia jolrango, nok te•sakode chu•gimik nosto ka•angaha aro nok te•bri, adita nosto ka•ako man•aha ine official-rang u•iataha.
Zikzak C&RD Block-oba damgittam songrango, nok te•bonga adita nosto ka•ako man•aha aro sak 28 manderang neng•nikanirangko chagrongna nangaha ine official-rang parakataha.
Purakhasia Block-o song damgni nangchakeaniko man•angaha aro ia songni nok te•gni nosto ka•ako man•e sak 12 manderang, neng•nikanirangko chagrongna nangaha.
South West Garo Hills a•ja gimiko dam 10 songrang nangchakeaniko man•e, nok te•sade chu•gimik nosto ka•ako man•aha aro te 11 nokrang adita nosto ka•ako man•aha ine official-rang parakataha.
South West Garo Hills a•jao mikka balwa ta•rakanganichi, Mellim Primary Health Centre (PHC)-ni solar panel-ko pe•angaha, bijoli line-rangba nosto ka•ako man•aha aro DC office-ona dakanggipa ramaba champengatako man•aha ine official-rang parakataha.
Indake ong•genchimoba, mikka balwa ta•rakangani ja•man official-rang ta•raken kamrangko ka•e bijoliko ta•raken on•pilna man•aha ine u•iataha.
Mikka balwa ta•rakanganichi baditaba kingking nosto ka•ako man•aha da•o official-rang hisapna gita a•bachengaha ine u•iatengon, neng•nikanirangko man•enggipa nokdangrangna dakchakanirangko on•na gita official-rang kamrangko ka•engaha ine parakataha.
Na·simang iakoba nina man·gen:
Na·simang iakoba poraina man·gen: KfW team M’laya-ona re·bae songrango ka·enggipa project-rangko nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
