Borbakra, Apr 27: Assam a•dokni Guwahati songjinma rikamo donggipa Borbakra songo, Tuberculosis (TB) sagiparang batroroengani gimin songni manderang, sambao donggipa ICAR-ni National Pig Research Centre-ko matnangtokaha.
Ia Borbakra songara, Guwahati songjinmaoni kilometer 50-mang chel•ao donggipa Kamrup a•jani Rani jolo donggipa song ong•a aro ia songo te 53 nokdangrang aro sak 230-mangni gita songdongenggipa manderang donga. Ia songo songdongenggipa manderangoni bang•batan Adivasi aro Rabha jatrang ong•a.
Ia songo donggipa manderangni parakatani gitade, da•o dipet ia songo sak 10-oni sak 15-mangni gita manderang TB saaniko man•e, songni manderang batrikrikna kenchipchipe dongna nangtokenga. Ia songo TB sagiparangni batroroaniara sambao donggipa ICAR-ni National Pig Research Centre-oni michibegipa moilarangko songona watengani a•sel ong•enga ine songni manderang matnangtokaha.
Ia centre-oni wak ki•i, wak su•bu aro sigimin wakrangkoba chi baksa watatenga aro ian songni manderangna namen namgijaniko ra•baenga ineba songni manderang matnangtokaha.
Ia wak jilgipa biaponi chaktogijagipa moilarangko watengani a•selan songni manderang namgipa ringani chirangkoba man•tokjaenga ineba songni manderang aganaha.
Mitam manderangni aganani gitade, ia songo rongtalgijagipa chirangko jakkalna nangengani a•sel badiaba nokdangrangode baditaba sakrang TB saaniko man•enga.
Indake ong•engon, ia songo TB sagiparangko ta•raken porikka ra•e nichina, saenggipa manderangna sanna bananirangko on•china aro ia songona wak jilani moilarangko watjachina gitaba songni manderang dabiangtokaha.
Na·simang iakoba nina man·gen:
Na·simang iakoba poraina man·gen: KfW team M’laya-ona re·bae songrango ka·enggipa project-rangko nirokea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
