Ampati, Aug 20: Mongolbar salo, Meghalaya Community & Rural Development (C&RD)-ni Minister A T Mondal, Salmanpara-ni MLA Ian Bonkam K Sangma, Deputy Commissioner Hema Nayak aro DRDA-ni Project Director R. Z. D Shira baksa South West Garo Hills-o Rerapara, Betasing, Zikzak aro Purakhasia-ni C&RD Block-rangko nirokeaniko dakangaha. Rangsakona-ni MLA Subir Marak-ba Rerapara-o jinma apsan bakrime nirokeanio bak ra·angpaaha.
Minister A T Mondal, Rerapara aro Zikzak-o gital rikenggipa block office-rangko nirokeaniko dakenba, Purakhasia-o gital block office complex-ko rikna jolni nokmarangni on·gipa a·arangko nirokean baksan ia dam 4 block-ni manderangkoba grongjolaniko dakangaha.
Block-rangko re·ange nianiko daka jaman ua Ampati-ni Circuit House-o MLA-rang, official-rang, BDO-rang aro District-ni officer-rang baksa block-o kam ka·anirang, mongsongbate MGNREGA aro gipin sorkarini scheme-rangni bidingo chanchirimaniko dakna nipiltaiani tom·bimonganiko ong·atangaha.
Ia block-rangko re·ange nianiko dakaniara namroro silroroaniko namdapatan baksana sorkarini namgnirangko jinmani jak sokao ong·atna miksonganio ong·a.
Na·simang iakoba nina man·gen:
Na·simang iakoba poraina man·gen: Amphreng songona re·enggipa ramako songni manderang jako ra·e taritaipilna a·bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
