Imphal, Sep 20: Manipur a•dokni Tamenglong a•ja ning•o songdonggipa manderangko, Amur Falcon ba do•reng gita dakgipa rokkomsa do•o, jekon ua jolo ‘Kahuaipuina’ ine mingachim, ia do•oko sikar ka•ani, rim•ani, so•otani aro badinganiko a•jani District Administration, Budhbar salo raken champengataha.
Ia Amur Falcon do•o, bilsiantian Tamenglong a•jaona bilbaronga aro adita somoirangna ia a•jao ma•chakani ja•man uamangni biaptangona bilangpilronga.
Ia bilsioba gipin biaponi bilbaronge dikdiksani somoirangna ma•chakegipa do•orangko rimchaksona, Tamenglong a•jani District Administration niamrangko ra•gate tarisamsoenga.
Amur Falcon do•orangko man•chape, buringo janggi tangenggipa gipin matburungrangko badingsrukgipa aro nisigalenggipa manderangko, Wildlife Protection Act, 1972-ni Section 50 aro 51-o pangchake rakgipa sastirangko on•gen ine Tamenglong a•jani District Administration u•iataha.
Ia u•iatanio, gipin biaponi bilbae ia a•jao ma•chakegipa do•orangni dongenga dipet aro biaptangona bilangpilkujana kingking ba November 30 tarikona kingking, air gun ba slai donggiparang authority-rangni jako an•tangtangni slaiko September 30 tarikni gisepon on•ena nanggen ine janapataha.
China-ni salgro, Mongolia-ni salaram aro Russia-ni salaram jolrango janggi tanggipa do•orang, October jani a•bachengaoni November jani bon•aona Tamenglong a•ja aro sima ari jolona bilbae ma•chakeronga aro adita somoirangna ma•chakani ja•man sin•karini somoio ma•chake dongna gita South Africa-ona bilangskaronga.
Amur Falcon, ian do•reng gita dakgipa rokomsa do•o ong•a jean, Falco amurenis ingipa jatoni ong•achim aro ia do•oan uamangni jatoni, bakrobate bilna man•gipa do•o ong•a. Uamang sin•karini somoio South Africa-ona bilange ma•chake dongronggipa ong•a aro Nagaland aro Manipur a•dokrangona, October jani gisepo bilbae ma•chakeronga.
Na·simang ia video-koba nina man·gen:
Na·simang iakoba poraina man·gen: Tangka giltime on•anina bame on•gimin HNLC bobil dolni saksako rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
