Agartala, July 5: Sonibar salo, a·dokko sason ka·enggipa sorkari baksa bakrimgipa dol Tipra Motha, Skotong Minister Manik Saha-ni BJP-ni dilenggipa sorkari-ko Tiprasa Accord-ko ra·gatja aro Bangladesh-oni napdrabagiparangko champengja ine uamangoni ong·katna ka·mikkenataha.
Ia rai-ko MLA Ranjit Debbarma parakataha, aro partyni dilgiparang aro uko bikotdilgipa Pradyot Kishore Debbarma, agangrikanirangko dake July 20 tariko Union Home Minister Amit Shah-oniko bon·kamgipa rai-ko ra·gen ine aganaha.
Tipra Motha, a·brini jatrangni man·gnirangko ripingna, tribal council funding-ko man·bana, aro niam rongdikni gita chelchakanirangko man·na, Tiparasa Accord-ko March 2023-o soi ka·e bilsisana bate sengaha, indiba mamung ja·ku de·aniko nikjaha ine Debbarma parakate, sorkari baksa bakrimani mai namgni ine sing·doaha. Sak 13 Tipra Motha-ni MLArang, ministerrang aro Pradyot Kishore Debbarma Amit Shah-ko gronge kamrangko ta·rake chu·sokatchina dabigen aro man·jagenchimode bakrimaniko dontonggen ine aganaha.
Pradyot Kishore-ni abitang aro Tripura-ni raja-ni su·gipa BJP MP Kriti Devi Debbarma jean Tripura East Lok Sabha-ni seat-ko BJP-Motha candidate ong·e cheon, ia janapgiminrang kamrangko chu·sokatjaode kam-oni dontonggen ine ku·chakahachim ine Ranjit Debbarma parakataha. Uni kam-oni dontonganiara, Tipra Accord-ni ja·mano uamangni bakrimanio BJP-na namen neng·nikaniko on·gen.
BJP-ni kosako uamangni chadengani namrorogijaniara Bangalesh-oni napdrabagiparangko champenggijani a·sel ong·aha ine Debbarma janape, ia obostachi a·song gimikna kengniko ra·baa ine aganaha. Sima ari jolrango nambate chekna ine May 19 tariko MHA-ni ge·etaniko man·genchimoba, niam-gri songdong-a·chaanirangchi a·brini jatrang ma·brangna nangengkuenga, aro DMrang, SP-rang, aro skotong ministerna iani gimin sedoe, jegalanirangko dake aro sakkirangko on·ani ja·manoba, a·dok sorkari ja·ku de·jaha ine Debbarma aganaha.
Iani bidingo chanchirime tik ka·aniko July 20-o Delhi-ona re·ange golpoani ja·mano u·igen aro iani rai ra·anio pangchake, uamangni nangnikani gita ong·jagenchimode, Tripura-ni bakrimgimin dolrangni sorkari rikani be·gruaniko mesokgen, aro a·brini jatni dilgiparang manderangko togiana bate biltangoni an·pilaniko dakgen.
Tripura Legislative Assembly-ni sak 60-na donggipa seatrango, BJPni bang·bate sak 32 MLArang, Tipra Motha-ni sak 13 aro bakrimgipa dolgipin Indigeous People’s Front of Tripura-ni (IPFT) saksa MLA donga, aro Opposition-o CPI (M)-ni sak 11 aro Congressni sakgittam MLA-rang donga.
Na·simang ia video-koba nina man·gen:
Na·simang iakoba poraina man·gen: Agartala Secretariat-o Multi-Agency Counter-Terrorism Exercise-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
