Tura,Feb 11: Budbar pringo West Garo Hills a·jani Tosekgre song sepango bilsi 47 ong·gipa me·asa saksani gari a·kuangona ga·akangaha, aro ua mande siaona sokaha.
Rongram Outpost-ni police-rangni aganani gitade, pringni 4 bajimango ia a·sel ong·ani koborko uamang man·soaha. Sianggipa mande South West Garo Hills a·jani Mahendraganj songni Arakgittim-o songdonggipa, Polindro Ch Sangma-ni depante Morning Ch Sangma ong·achim. Obosta ong·ani somoio ua Tosekgre songona re·angengachim.
Sianggipa mande uni gari ML-08-K-0519-ko bitinengmitingo sorokoni til·angenba ka·machina ga·akonangaha ine police-rang aganangaha. Songni manderang re·bae gari salgipa mandeko garioniko rimongkataha aro ambulance-o Tura Civil Hospital-ona rimangaha, indiba uko sigiminkosa rimangaha ine doctor-rang parakataha.
Ia obosta ong·ani chong·motgipa a·selko police dolrang sandianiko a·bachengataha aro sianggipa mandeni manggisiko post-mortem-koba dakangaha.
Na·simang iakoba nina man·gen:
Na·simang iakoba poraina man·gen: West Shillong-ni MLA gitcham Mohendro Rapsang NPP-oni ong·kata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
