Shillong, Feb 11: West Shillong-ni gitcham MLA Mohendro Rapsang an·tangtangni dingtang dingtang neng·nikanirangko janape National People’s Party-oni (NPP) ong·kataha.
“Anga National People’s Party-o an·tangni membor ong·aoni da·oni dipet ong·katenga,” ine ua NPP state president Prestone Tynsong-na February 10-o chitti see parakataha.
“Re·anggipa bilsi brini gisepo party-na dangdike on·na aro kam ka·na cholko on·anina anga National People’s Party-ko mitelbea. Party baksa bakrimanio angni skie ra·anirang aro dakchakaniko man·anirangko anga pangnan gisik ra·gen,” ine ua aganangaha.
Uandake ua National People’s Party-ni mikkangchi pilak kam ka·anirango chu·sokchinaba an·tangni nama skaniko on·angaha.
2023 Assembly election-rangna skang MDA-I sorkari baksa bakrimaniko mesokanina Congress party Rapsang-ko dikdiksana party-oni ra·galaha aro unon ua NPP-o napaha.
Ua NPP ticket-ko man·e election-o susaaha indiba UDP-ni dilgipa Paul Lyngdoh uko amaha.
2028 Assembly election-rangna skang, Rapsang, Bharatiya Janata Party-o (BJP) napnaba gnang ine koborrangkoba man·soenga.
Na·simang iakoba nina man·gen:
Na·simang iakoba poraina man·gen: Bishop Mama Memorial School-ko Skotong Minister nokdonggae on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
