Saltopgre, Feb 11: Skotong Minister Conrad K Sangma, Saltopgre-o rikgipa Bishop Mama Memorial School-ko Tura ni Rt. Rev. Bishop Andrew R. Marak aro Tura ni Rt. Rev. Auxiliary Bishop Jose Chirackal,Officialrang, skigiparang, chatro chatrirang aro jolo donggipa manderangni dongpaanio nokdonggae on·aha.
Tom·anio Skotong Minister jinmana aganprakengon, songsalko aro chatro chatrirangko nambataona bimang ong·atna lekka porani mongsonggipa bakko ra·e kam ka·engani gimin aganan baksa, ia school-ko rikna gita giljako dilgiparang, school-ko chalaienggiparang aro songni manderangko bakrimpaaniko on·ahani gimin mitelpilskaangaha.
Bi·sarangko skie on·anio skigiparangni kam mang·mangsan ong·aija indiba, uamang baksa songsalni manderang aro mongsongbate ma·a paarang jako ra·e kam ka·na nanga ineba ua aganaha.
Uni pagipa P.A. Sangma sagiko janape aganengon, uni pagipako Catholic missionary-rangsa chonbegipa song Chapahati-oniko rimangaha aro uni janggi tangani gadangko namdapatna lekka pora skianiko una on·aha. Ia lekka porasa Parliament-o Speaker ong·na gita una dakchakaha aro uandake gipin cholrangkoba on·aha ine aganaha.
Uni pagipa P. A. Sangma sagini dedrangko lekka pora skianiko ra·an baksana nama cholono janggi tangdilani gimin janapengon, dedrangko tarianio ma·a paarangan dai ong·chongmota, uamangko an·tangtangan nirok simsake tarina aro re·dilna nangchongmota ine aganaha.
Bishop Mama Memorial School-ko nokdongganiara Saltopgre songo lekka pora skianiko on·anina gamchatgipa ong·aha aro ua jolni chatro chatrirangni namroro silroroanina bang·a on·gilaniko on·gen ine ka·dongsoenga.
Na·simang iakoba nina man·gen:
Na·simang iakoba poraina man·gen: Narendra Modi, February 14 tariko Assam-ona re·bae North Guwahati Bridge-ko a·bachengate on·anggen : CM Sarma
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
