Shillong, Aug 29: Gipin biaprangoni manderangko Meghalaya a•dokni tourist spot-rangona salbaenggipa tourist taxi-rangko champengchina dabie All Khasi Meghalaya Tourist Taxi Association (AKMTTA) jingjengatani ja•man, uamangni dabianirangko niatna gita a•dok sorkarini songe on•gipa committee, ku•rachakaniko on•angaha.
Ia committee-ko dilenggipa a•dokni Commissioner & Secretary Cyril Diengdoh-ni parakatani gitade, Meghalaya a•doko tourist taxi sale cha•gipa manderangni namgnina ia committee, Guwahati Airport-o parking fee-ko komiatan baksana uamangni namgnina dingtang dingtang ku•pattianirangko sorkarina on•angaha.
Uamangni gisepo maiba dingtang neng•nikanirang donggenchimode, uarangni bidingo a•dok sorkari chanchina man•na gita, ia neng•nikanirangko committee-na u•iatchina gitaba ua tourist taxi association-rangko didiataha.
Taxi association-rang baksasan ong•aigija, hotel-rangko chalaiaenggiparang aro tourism-ni kamo bak ong•enggipa dingtang dingtang dolrang baksaba ia committee, baditaba chang tom•e chanchirimaha ine janapatengon, a•doko tourism-ni kamrangko ka•enggipa dolrang aro manderangni namgnina ia committee, sorkarina ku•pattianirangko on•enga ine Diengdoh parakataha.
Na·simang iakoba nina man·gen:
Na·simang iakoba poraina man·gen: SWGH-o National Sports Day-ko maniani bak gita 10 km run-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
