Agartala, June 15: A·doko songpanggiparangni aganenggipa Kokborok ku·sikna Bengalini pal Roman oikor-ko jakkalchina dabiange TIPRA Motha-ni chatro dol, Indigenous Students Federation (TISF)-ni mija Butbar salo Tripura a·dokni skotong Agartala songjinmao tom·tome jingjengataniko ong·atangani ja·mano kajia-golmalona sokangskaaha ine koborko man·soaha.
Koborni gitade, jingjengatgiparangni kosako maming mikrakataniko on·chenggija jingjengatgiparangko katbildangatna a·dokni police-rang mikchi ong·atgipa tear gas aro water cannon-rangko jakkalaha ine police-ni kosako matnange aganangaha.
Agartala-o rally-ko ong·atangenba jingjengatgiparang, ua somoio airport-ni ramarangko konta-gittammangna champengatahachim. Koboro parakatkuani gitade, rally-ko ong·atna gita somoi on·gimin badepilaonaba jingjengatgiparangoni mitamrang, bottol aro itarangko gorurue jingjengataniko dakdrana gita jotton ka·angkuahachim jeni a·selsa dolgnini gisepo nanggrikaona sokangna gita nangaha.
Iani bidingo, jingjengatgiparangoni seokako man·gipa sakbri manderang ua somoio uamangni dingtang dingtang dabianirang baksa a·dokni Governor-ko gronge dingtangmancha memorandum-koba on·angaha.
A·bachengo tom·tome jingjengatna miksonggimin ja·manchi kajia-golmalona sokanganichi jingjengatgipararangoni komibeoba sakdok manderang adita saknaa man·tokaha aro uamangko sanna gita GB Hospital-ona bakan ra·angaha.
Indake ong·engon, assembly-ni warachakgipa dolni dilgipa Animesh Debbarma-ko man·chape TIPRA Motha-ni adita sak dilgiparang ua somoio jokkom ong·giparangko hospital-o grongangani ja·man, Pa Debbarma, koborna agananganio jingjengatmiting somoio kajia-golmalko ong·atanio jak donggiparangko ma·sina gita sandiataniko bakan dakatchina a·dokni skotong minister Dr. Manik Saha-ko mol·molatjolaha.
Also Read:M’laya-o drugs jakkalanirang batroroengani gimin tom•e chanchirima
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
