Agartala, Oct 13: Tripura-o namen ka•saninggijagipa obosta ong•anichi a•dok gimiko kalimani aro namen ding•chaoaniko ra•baaha.
Ja-14 ong•gipa me•chik bi•sako North Tripura a•jani Panisagar subdivision-o uni atchutang October 11 tariko til•ekdrae, so•ote aro gope galaha.
Matnangako man•gipa bilsi 44 ong•gipa me•asa ong•a aro uko Robibar salo Assam-ni Nilam Bazar-oniko rim•e Tripura-o rimbapilaha ine police dolrang parakataha.
October 11 tariko ua me•chik bi•sa an•tangni ma•gipa baksa mamatangni nokona rona re•angani somoio ia obosta ong•aha ine police-rang agandapaha.
Atchutang ua me•chik bi•sako rimange adita konta ong•ani ja•manoba re•bapiljani gimin walni 8 bajio nokni manderang mikrakataniko on•aha ine Panisagar-ni Sub-Divisional Police Officer (SDPO) Rahul Balhara parakataha.
Uni ja•mano police dolrang, ua jolo songdonggipa manderang baksa sandianirangko dakna a•bachengaha. “Salni 12 bajimango, Panisagar-ni OC baksa a•sel ong•gipa biapona anga re•angaha. Sandianirangko dakon, nokni sepango chinga a•a cho•daldalgipa biapko nikaha. Chanchichipani gnang chinga ua biapko cho•e niaha aro unon bi•sani manggisiko nikaha,” ine SDPO Balhara talataha.
Bi•sani siani a•selko talbate ma•sina, bi•sani manggisiko ta•raken Panisagar Sub-divisional Hospital- Post-mortem kan•agita watataha.
Mongsonggipa matnangako man•gipa, Ward No. 5-o donggipa, Uttar Padmabil Gram Panchayat, sianggipa me•chik bi•sani ma•gipani mamatang ong•a, aro ua dosko dakani ja•mano kate chakaha ine koborko man•aha.
Bi•sani atchutang October 12 tarikni pringo ia obostani bidingo badi ka•aha. Dos dakgipa mandeko sandie uko 2 bajimango Assam-ni Sribhumi ajani Nilam Bazar-oniko man•aha. Uandake uko special Police team Tripura-ona rimbapilaha.
Ia obostani bidingo namedake sandirikkitanirangko dakenga ine Balhara aganangaha.
Til•ekdraani aro so•otanina matnangako dakahaoba, uko namedake u•ina man•na gita post-mortem report-ko man•kujaenga ineba ua agandapaha.
Na·simang iakoba nina man·gen:
Na·simang iakoba poraina man·gen: Baghmara bazar-o TNT licence-rangko MDC check ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
