Williamnagar, Oct 13: Sombar salo, Baghmara-ni MDC aro Garo Hills Autonomous District Council (GHADC)-ni Executive Membor (EM) Civil Works In-charge Nathawal S Marak, GHADC-ni official-rang baksa, Baghmara bazar-o bading chiwale cha•enggipa gipin jatrangoniko Trading for Non-Tribal (TNT) licence-rangko niangaha.
Marak-ni Hub News-na u•iatani gitade, Baghmara Bazar-ona Bangladesh aro gipin biaprangoni Tribal ong•gijagipa manderang re•napbae, niam gri bading chiwaltokenga ine bang•en koborrangko man•soahani gimin, niam gri bading chiwale cha•enggipa manderangko champengna gita ua an•tangan, GHADC-ni official-rang baksa Baghmara bazar-o bading chiwale aro dokkan dake cha•enggipa gipin jatrangoniko TNT licence-rangko check ka•angaha.
Gipin biaprangoni Tribal ong•gijagipa manderang niam gri re•napbae, bading chiwale cha•engani a•selan joltangni Tribal manderangsa bading chiwalanirango noksan ong•na nangtokskaenga ine janapatengon, gipin biaprangoni re•napbaenggipa manderangko, an•tangtangna Sixth Schedule-ni ning•o on•gimin bilrangko jakkale, uamangni nangchongmotgipa lekkarangko am•sandina aro police verification ka•atna nanga ine Baghmara MDC, dingtang dingtang songni Nokma-Sordarrangko didiataha.
Gipin biaprangoni re•napbae bading chiwale cha•enggipa manderangko sandirokna gita Meghalaya sorkarini ra•gatgipa Meghalaya Residents Safety & Security Act (MRSSA) aro District Council-ni Sixth Schedule-on bilrangko on•manaha ineba Marak talataniko on•angaha.
Na·simang iakoba nina man·gen:
Na·simang iakoba poraina man·gen: Shillong-o gimagipa me•trako man•pila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
