Agartala, Nov 23: Tripura a·dokni Chief Minister Dr Manik Saha-ko ‘bilgrigipa’ aro uko saksa jat basegipa ine ma·mongo BJP-ni dilgiparangna mesokna aro uamangni gisepo meligrikgijaniko ra·bana gitasa BJP-ni adita sak dilgiparang, a·dokni state minister-na tangka paisarangko dakchake on·enga ine Robibar salo, BJP baksa bakrimenggipa Tipra Motha-ni dilgipa Pradyot Kishore Debbarma a·kangataha.
Khumulwng-o BJP aro Tipra Motha-ni office-rangko so·e party-na kam ka·giparangko chadrapani ja·man, ia biapko nina re·anganio kobor ra·timgipa manderang baksa agangrikengon, Tripura-ni Chief Minister aro uni gisepo meligrikgijaniko ra·bana gitasa BJP-ni mitam dilgiparang, ‘chal’ dakenga ine Pradyot parakataha.
Minister-ni bimingko parakna gita jechakangengon, iani bidingo ua CM Manik Saha baksa agangrikmanaha ine Pradyot aganaha.
BJP aro Tipra Motha-ni office nokrangko chadrapani salo ua an·tangan Tripura-ni DGP baksa agangrikjringaha ine talataniko on·angskaengon, BJP aro Tipra Motha-ni gisepo dinggrikaniko ra·bana gitasa miksonge, mitam dilgiparang tol·e jangbingbatenga ine Pradyot aganaha.
Tripura a·doko songdongenggipa Tribal aro Tribal ong·gijagipa dolgni jatrangnan ua, tom·tomani aro namroro silroroaniko ra·bana nangnikenga ine janapatengon, manderangni nikanio uko ong·gija dake ra·bana gitasa mitam dilgiparang jotton ka·enga ine Tipra Motha-ni dilgipa parakataha.
Na·simang iakoba nina man·gen:
Na·simang iakoba poraina man·gen: Kaziranga-o matcha grengrangko badingsrukna jotton ka•engmitingo sakbonga manderangkk rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
