Tura, Apr 16: Budbar salo, Meghalaya-ni ICFAI University-ni Tura Campus-o Class XII-ni porikkako segimin chatro chatrirangna Career Counselling Program-ko ong·atangaha. Ia program-o, chatro chatrirangna mikkangchi dingtang dingtang poraiani aro kam ka·e cha·ani cholrangko mesoke on·angaha.
Ia program-ni skanggipa session-ko Education-ni Assistant Professor, Dr. Kanika Das, a·bachengate on·angenba, psychometric test-chi chatro chatrirangko an·tangtangni gisiko nanganiko u·iatna dakchakaha. Uasan ong·aigija, chatro chatrirang humanities-rangko poraieba kamrangko man·ani gimin aganan baksana gital kam ka·e cha·ani cholrangko baseani aro maikai NEP 2020-ara lekka pora bidani a·bao dingtanganiko ra·baengachim uni giminba aganangaha. Uasan ong·aigija, University-ni placement cell, chatro chatrirangni poraia matchota jamano uamangna kamrangko man·aba dakchaka ine talate on·angaha.
IT-ni Assistant Professor, Dr. Dikme Chisil B Marak, AI, Coding aro Digital-ni gita changa sapaniko man·chape Information Technology-o kam ka·e cha·ani cholrangni gimin aganangskaaha.
Management-ni Assistant Professor, Jyotirmoy Roy, management-oo kam ka·ani dingtang dingtang cholrangni bidingo talate on·angskaaha.
Travel & Tourism Management-ni Assistant Professor, Ellerie Arengh, tourism-ni a·bao kam ka·e cha·ani cholrang jekai, airline-rang, cruise ba jahas dal·giparang, hostel-rang ba sorkarini ning·o kamrangko ka·e cha·ani bidingo aganangan baksana tourism-o graduate ong·gipa chatro chatrirang competitive porikkarangkoba sena gita man·a ineba janapataha.
Senior Administrative Officer, Muktadul Hussain, University-ni gita mai course-rangko on·engachim uni gimin che·em che·em aganangenba, maikai iarang chatro chatrirangna chu·sokaniko on·a dakchakachim uni gimin aganangenba ia session-ko matchotataha.
Na·simang ia video-koba nina man·gen:
Na·simang iakoba poraina man·gen: Tangka dabie ra•anirangko police-na u•iatchina sorkari didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
