Williamnagar, Mar 1: Tura-o kni ratani aro mikkangrangko tarianio nambatsranggipa dokkanrangoni damsa M Paul’s, Sonibar salo, Tura-ni A·konggreo donggipa Municipal Shopping Complex-o gital dokkanko kuliaha.
Ia dokkanko, West Garo Hills a·jani Additional Deputy Commissioner aro Tura Municipal Board (TMB)-ni Chief Executive Officer (CEO) Jude Rangku T Sangma, dokkanni nokgipa Paul Marak, uni ripengrang aro gipinrangni mikkango kulie on·angaha.
Ia dokkanko kuliani bidingo dokkan nokgipa Paul Marak, Hub News baksa agangrikengon, kni tariani aro nitoatani karkana, a·gilsak gimikon ta·rakbee dal·roroenga aro Tura-ba chonbegipa jillasan ong·aigenchimoba, dingtang dingtang gittimrango, kni ratani aro mikkang tariani namgipa dokkanrangko nangengaha ine nikenba ua, manderangna dangdike on·angkuna miksonganio, ia gital dokkanko kuliaha ine parakataha.
Ia gital dokkano, spa aro scalp test ka·ani cholrang baksana kni ratani, mikkang tariani aro dingtang dingtang cholrang donggen ineba Marak aganaha.
Gital dokkanrangko uni kulidapaniara, ua an·tangni man·gnirangko baridapatna miksonganisan ong·aija indiba chadamberangna kam ka·e cha·na cholrangko on·na miksonganiba ong·a ineba Paul aganaha.
Ia kamo u asak 300-na baten manderangna skie on·aha aro uamangoni bang·batan, sorkarini dakchakanichi indin skie ra·na cholrangko man·aha. Uo skie ra·giparangoni mitamde, Bangalore, Delhi, Dimapur, Mumbai aro Goa songjinmarango kamrangko man·aha.
Garo Hills-ni chadamberangna kam ka·e cha·ani cholrangko on·na uko saksa skie on·gipa dake seokahani gimin ua Meghalaya State Skill Development Society (MSSDS)-koba mittelpilangaha.
ChevX-ni area manager Sanjay Dutta-ba Hub News baksa agangrikengon, batanggimin bilsi bongana Paul, uamangni bosturangko jakkalenga aro bang·a manderangan uamangni bosturangko namniktokaha ine aganaha.
Na·simang iakoba nina man·gen:
Na·simang iakoba poraina man·gen: Robibar salo Pontifical High Mass-ko Nuncio Leopoldo Girelli dilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
