Shillong, Jan 6: Tura-o ong•atnasienggipa a•dokni dal•batgipa kal•susaani, chang 5-gipa Meghalaya Games-ko, a•songni President Droupadi Murmu oprake on•anggen.

Ia kal•susaaniko re•baenggipa, January jani 15 tarikoni 20 tarikona ong•atenga aro ian skanggipa changna, Shillong songjinmaoni apjite Tura-o ong•atani ong•a.

Indake, President Droupadi Murmu, January jani 15 tariko Tura-o ong•atenggipa kal•susaaniko oprake on•anggen aro salgipino Shillong-o ong•atenggipa gipin manianio bakko ra•angskagen ine a•dokni Skotong Minister, Conrad K Sangma jinmana parakataha.

‘President Droupadi Murmu-ni ia kal•susaanio dongpaania, a•dokni chadamberangna dal•batsranggipa didiani ong•gen’ ine Pa Sangma, Instagram-o seataha.

Indake, 2024-ni kal•susaanio tarisamsoe donsogimin ming 22 kal•susaani bakrango, a•dok gimikoni sak 3,000-na batpile kal•susaagiparang susaaniko dakanggen. Unbaksana, skanggipa changna, Meghalaya Games-o jatni kal•rongbaenggipa kal•susaanikoba chapataha aro ian, Khasi, Jaintia aro A•chik jatrangni kal•susaanirangko apalbatatna aro tang•doatna ine miksonge ia kal•susaani bako ra•gatani ong•achim.

Iakoba poraie nina man·gen: Deputy Commissioner office nokni pakmao noksa salgiminko, Tourism Minister Paul Lyndoh oprake on•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub