Guwahati, June 14: Independence Day 2024-o Assamo adita IED blastrangko ka•na manchia ine matnange National Investigation Agency (NIA) Sukrobar salo ULFA-ni (Independent) kosako chargesheet ka•aha.
Ia chargesheeto adita manderangko bimung segataha. Ianoni saksara Paresh Baruah jekon Paresh Asom, Kamruj Zaman Khan, Nur-uz-Zaman, Zaman Bhai, Pradip, aro Paban Baruah ineba manderang u•itoka, aro uan ULFA (I)-ni Chairman ong•a baksana an•tangko Commander-in-Chief ineba agana. Unbaksana Abijit Gogoi (ba Aishang Asom, Rumel Asom, Dhanajoy Moran) aro Jahnu Boruah-koba (ba Arnob Asom, Huntu) NIA chargesheet ka•aha.
Uamang sakgittamkon Bharatiya Nyaya Sanhita (BNS), aro Unlawful Activities (Prevention) Act (UA(P)A) aro Explosive Substances Act-ni dingtang dingtang sectionrangni gita chargesheet ka•aha.
NIA-ni aganani gitade, matnangako man•giparang Guwahati-ni Dispur Last Gate-o improvised explosive device-ko (IED) done Assam-o Independence Day manianirangko golmal ka•na ULFA (I) miksonganirango bak ra•aha.
Manderangni janggiko gimaatna aro sorkarini gam-jinrangko nisina aro manderangni gisepo kenaniko ra•bae India a•songni ku•mong-nangrime ku•cholsan janggi tanganiko so•sojengjeng ong•atna ine miksonganio ia bomb-rangko donaha ine NIA parakataha.
Ia case-ko (RC-03/2024/NIA-GUW), 2024 bilsini September jao NIA-na pakwate on•aha aro da•o iani bidingo sandianirangko dakenga.
Na·simang ia video-koba nina man·gen:
Na·simang iakoba poraina man·gen: SGH-ni reserve forest sambao mongma chadrapanio saksa saknaako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
