Shillong,May 2: Sonibar salo, a∙dokni Skotong Minister Conrad K Sangma Umlyngka, Upper Shillongo Improved Playground & Indoor Sports Stadium-ko Mylliem-ni MLA R V Lyngdoh aro Deputy Chief Whip aro skotong minister-na ku∙pattigipa Hamletson Dohling-ni mikkango oprake on∙angaha. Ia tom∙bimonganio sports department-ni official-rang, dorbar shnong-rangni membor-rang aro ua jolo songdonggipa manderang re∙bae bak ra∙angaha.
Batanggimin adita bilsirangni gisepo dingtang dingtang constituency-rango aro jolrango pilak sector-rangni gitan namroro-silroroaniko ra∙bana sorkari krenge kamrangko ka∙enga ine oprake on∙ani somoio Skotong Minister, Conrad K Sangma, jinmana parakataha. “Sorkari ong∙e, chinga manderangni neng∙nikanirangko knachakna nanga aro uamangni nangnikanirangko on∙na nanga, aro dal∙dalgipa nokrang aro uandakgiparangko rikani aro rama-jal∙angrangko tariana agreba, chinga chingni chadamberang aro manderangna dangdike on∙anian chingni dal∙batgipa chu∙sokani ine bebera∙aha,” ine ua aganangaha. Uandake, Improved Playground & Indoor Sports Stadium, Umlyngka project-ko Kror 3.5 tangkarangchi tarianiara namgipa bimchipgipa aro gimikni gita gisik nanggipa kal∙susagiparangko ong∙atna dakchakgen ine ua aganangaha.
Una agreba, sports sector-o sorkarini dingtang dinngtang cholrangko ra∙bae dal∙rorona on∙enganirangko ua janapangaha. Ia gitalgipa stadium-ko man∙anina jolo songdonggipa manderangna an∙tangni nama skaniko on∙enba, ia gitalgipa biapko simsak-nirokchina ua didiangaha.
Ia gital dake taridapgimin stadium-o Indoor Sports Hall-ko rikenba uno Badminton Court, gansre-chinsreani kutturirang, paikanarang aro official room ge∙sako tariaha. Ua jolo donggipa dambri skul-rang – Umlyngka Pre-Secondary School, San Shnong Secondary School, Phila Rapsang Secondary School aro Thomas Jones Secondary School baksana ua jolo donggipa sak 3000-mang chadamberang ia gitalgipa stadium-ko jakkalna man∙gen.
Na·simang iakoba nina man·gen:
Na·simang iakoba poraina man·gen: WGH-ni skichakramrango NDRF aro DDMA antisana Familiarization Exercise-ko ong∙gatanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
