Shillong, Dec 10: Umphyrnai Presbyterian School L. P Section-ni (1095-2025) bilsi 75 gapaniko Platinum Jubilee maniani name matchotangaha jeon a·dokni Skotong Minister Conrad K. Sangma baksana gitcham MLA Lambor Malngiang-ba dongpae bak ra·angpaaha.
Skotong Minister, skulni bilsi 75 gapanina nama skaniko on·atengon, a·dok sorkarina lekka pora bida-ko on·anian mongsongbatgipa ong·a ine ua aganangaha. Iani gisepon, 2018 bilsi dipetoni bang·a sorkarini skulrang aro college-rangon LP, UP, secondary, higher secondary aro college-rangnan namdapataniko ra·baaha ineba ua janapataha. Indake ong·genchimoba, iano dingtang dingtang ge 25 skigiparangni dolrang dongani a·sel school system-o bang·a neng·nikanirangko chagrongna nangenga ineba ua agandapangkuaha.
Una agreba, Skotong Minister Conrad K Sangma, a·dok sorkari ta·raken sak 20,000 mangni gita adhoc aro SSA-ni skigiparangna dormaha on·ani bewalrangko dingtangatna nangchongmotgipa tik ka·anirangko dakanggen jedakode uamang pangkamgipa dormahako man·an baksana tangka bariani aro mikkangchi naljokgipa janggi tanganiko man·a amgen ine u·iataha. Iani gisepon, a·dok sorkari deficit, adhoc skulrang aro college-rangna dakchakaniko on·a gong kror 1,200 tangkarangko bilsianti koros ka·enga aro ian songsalni namgnina nangchongmotgipa koros ka·ani ong·a ineba ua janapangkuaha.
Ua skul-ni gita krenge kamko ka·anina rasongko on·e aganengon, ia skulo poraianggipa aro 1978 bilsioni ia skulo Principal ong·e kam ka·baenggipakoba dingtangmancha janape de·mitelataha. Ia Jubilee-ko manina dingtangmancha donsogimin katta bichong “Sow in tears, reap in joy”-ni bidingo aganengon, nama miksongani gnang krenge kamko ka·aniara an·chingko pilak neng·nikanirangko amna dakchaka ineba ua aganangaha. Indake, ua skulni building-ko dal·dapatna aro gital doka damani bosturangko brena, Cheif Minister’s Special Development Fund-oniko gong lakh 20 tangkarangko on·gen ine ua parakataha.
Skulni headmistress B. Kharmumnuid, ia skul 1950 bilsina skangonin Lower Primary School dake dongachim, indake 1995 bilsio ia skul Upper Primary-ona aro 2005 bilsio Secondary-ona tang·doatako man·aha aro 2015 bilsio MBOSE-ni ning·o ia skul chapatako man·paaha ine skulni itihas-koba ua talate on·anangha. Ia skulo da·o chu·gimik 380 chatro chatrirang aro sak 16 skigiparang donga, indake 48 chatro chatrirang re·baenggipa 2026 bilsio SSLC porikkako seanggen ineba ua janapataha. Ia Platinum Jubilee-ko maniani bak gita uamang re·baenggipa bilsio Higher Secondary Section-koba a·bachengatna miksongenga.
Na·simang iakoba nina man·gen:
Na·simang iakoba poraina man·gen: Tura-o Int’l Human Rights Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
