Baghmara, Nov 25: Housing aro Urban Affairs-ni Union Minister of State (MoS) Tokhan Sahu, Mongolbar salo, South Garo Hills a•jaona re•baenba, dingtang dingtang department-ni officer-rang baksa Baghmara Circuit House-o tom•aniko ong•atangaha.
Ia tom•anio Union MoS, South Garo Hills a•jani officer-rang baksa chanchirimengon, lekka pora aro an•seng baljokani kamrangko mongsongbatgipa ong•e ra•china didiangenba, a•jao songdongenggipa bi•sa sakanti aro mande sakantian namgipa lekka pora aro sanna banani cholrangko ra•na man•na nanga ine aganaha.
Viksit Bharat-ni ning•o ma•mong sorkarini dakchakanichi a•songni ja•manchakbatsranggipa biaprangkoba dingtangatna gita Prime Minister Narendra Modi-ni niksamsoaniko janapatengon, ‘Sabka Vikas Sabka Vishwas’-ni miksonganian a•songni pilak kona noksikrangona namroro silroroaniko sokatani ong•a ine Sahu aganaha.
India a•songko tang•dogimin a•song ong•atna gita pilakkon bakrime kam ka•china gitaba ua didiangaha.
Ia tom•anio, South Garo Hills a•jani Deputy Commissioner Sumit Kumar Singh, South Garo Hills a•jao jako ra•e ka•enggipa ma•mong sorkarini dingtang dingtang scheme aro project-rangko Union MoS-na talate on•angaha.
Ia tom•anio ma•mong sorkarini, Prime Minister Awas Yojana (U) 2.0, Ayushman Bharat Yojana, Pradhan Mantri Jan Dan Yojana, MGNREGA, Faisal Bima Yojana, PM SVANidhi aro gipin scheme-rangkoba Union Minister niangaha.
Tom•a matchotani ja•man Union MoS, Baghmara Housing Complex, Bolsal A•ding, Baghmara BSF Camp, Wagesik Baghmara-o donggipa BSF Check Post aro Rangku Memorial Girls Secondary School-onaba re•ange kamrangko niangaha.
Na·simang iakoba nina man·gen:
Na·simang iakoba poraina man·gen: Kokborok ki•taprangko Roman oikorchi chapa ka•china TSF dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
