Agartala, Nov 25: Tripura a•doko Kokborok ki•taprangko aro question paper-rangko Roman oikorchi chapa ka•china dabie Mongolbar salo, Twipra Students Federation (TSF), Agartala songjinmao jingjengatanirangko dakangaha.
Ia jingjengataniko TSF-ni membor-rang, Agartala songjinmani Circuit House sambao donggipa VIP ramao dakangaha aro chatro chatrirangni jingjengatanio so•sojengjeng ong•anirang dongjana gita ia biapo bang•en sipai dolrangko donataha.
Chatro chatrirangni jingjengatanio so•sojengjeng ong•anirangko chel•chakna gita West Tripura-ni Additional SP Dhruva Nath aro gipin official-rangba ua biapona re•baaha.
Tripura a•doko Kokborok ku•sikko 70 percent-mang ong•gipa Tribal-rangni biaprango jakkala indiba da•o dipet Kokborok ku•sikna Bengali oikorkosa jakkalengani gimin chatro chatrirang jegale, Kokborok ki•taprangko aro question paper-rangko Roman oikorchi chapa ka•china dabiangtokaha.
Tripura a•doko songdongenggipa lak 40 manderangoni 31 percent-ni gitade, Tribal jatrangan ong•a aro ia Tribal-rang, Kokborok ku•sikna Bengali oikorko jakkalgija Roman oikorko jakkalskachina dabitokenga.
Ia jingjengataniko dakanio TSF-ni vice president aro North East Students Organisation (NESO)-ni finance secretary John Debbarma, kobor ra•timgiparangna talataniko on•angengon, Kokborok ku•sikna Roman oikorko jakkalchina dabianiara gital dabiani ong•ja indiba chengonin Tribal-rangni dabienggipa ong•a indiba da•alonan Kokborok ki•taprangko aro question paper-rangko Bengali ku•sikchisa chapa ka•engani a•sel Bengali man•pagijagipa Tribal chatro chatrirangde neng•nikanirangko chagrongna nangtokenga ine parakataha.
Na·simang iakoba nina man·gen:
Na·simang iakoba poraina man·gen: Zubeen Garg-ni siani a•selko CBI-chi sandichina Akhil Gogoi dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
