Guwahati, Nov 25: Git ring•anina mingsinggipa Zubeen Garg-ni siani a•selko Central Bureau of Investigation (CBI)-chi am•sandiatchina dabie Mongolbar salo, Raijor Dal-ni president aro MLA Akhil Gogoi, Assam Legislative Assembly-o ku•rangko on•aha.
Assembly-ni a•palo kobor ra•timgipa manderang baksa agangrikengon, Zubeen Garg-ni siaonin da•alonaba uni siani a•selko sandianio maming biterangko man•kujaenga ine Gogoi matnangataha.
Zubeen Garg-ni siaoni jagni salbri ong•pilengaha ine janapatengon, maini a•sel ua siachim, da•alonan darangba tale ma•sikujaenga ine Gogoi, an•tangni suk ong•gijaniko parakaha.
Zubeen Garg-ni siani a•selko name sandijaenga ine matnangatskaengon, Singapore a•song gita dakgipa biaprango gipin a•songni manderang sion, pangnan sorkarirang ta•raken ja•kuko de•rongachim indiba Zubeen Garg-ni obostakode Assam sorkari, gisiko nange jako ra•jaenga ine Gogoi aganaha.
Gipin a•songrango a•sel ong•anikode Assam police-rangba am•sandina gita chu•gimik bilrang dongja ine janapatskaengon, ia case-ko CBI-na pakwatchina gita Gogoi dabiangaha.
Iani bidingo Assam-ni Home Minister-ko kam watchina gitaba Raijor Dal-ni president dabiangaha.
Ia dabianiko sorkari knachakjagenchimode opposition dolrang bilakbate jingjengatanggen ineba Gogoi mikrakataniko on•angaha.
Na·simang iakoba nina man·gen:
Na·simang iakoba poraina man·gen: IIM Shillong SUSCON XII-ko ong•atanga, gital ramako re•mikkangna tarisamsoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
