Shillong, Nov 25: IIM Shillong-ni ong•atanggipa chang 12-gipa International Conference on Sustainability – SUSCON XII, Sukrobar salo matchotangaha. Ia tom•bimonganio mongsonggipa minggittam dakna nanggipa kamrangko baseangaha, uarangara – a•gilsakni dingtang dingtang dolrang baksa bakrimaniko bilakbatatani, karirangni dingtangrorobaaniko champengna kam ka•ani aro chadamberangko bil gnangatani ong•a.
Ia tom•bimonganio a•song dambongani, aro India-ni dam 24 a•dokrang aro UT-rangoni scholar-rang, policymaker-rang, karkanarangko chalaigiparang, aro rusigija mikkangchina chanchie janggi tanganiko ranta ka•giparang re•bae bak ra•angaha.
November 22 oni 24-ona ong•atanggipa ia tom•bimonganiko State Bank of Inia Industry Sponsor dake dakchakangaha aro iano pilaknan dal•roro-silroroaniko ra•bana carbon-ko komiate jakkalangrorona miksonge kam ka•angaha.
IIM Shillong-ni Director (I/C) Prof. Naliniprava Tripathy tom•ani a•bachengo jinmana parakatengon, karirangni dingtangrorobaanjrangko namatna ja•ku de•aniara, India-ni manderangni dakna nangchongmotgipa kam ong•a aro ta•rake ja•ku de•jagenchimode bang•a million manderangan kangal-cha•asiaona sokanggen ine ua aganangaha.
India-ni Viksit Bharat-ona re•mikkangani gimin talate on•enba, dingtang dingtang cholrangko ra•baani, digital gadango dingtangrorobaani aro dingtang dingtang dolrang baksa bakrime kam ka•anirangni gimin mongsonggipa sokgipa ong•e re•bagipa NITI Aayog-ni Member Dr. Arvind Virmani aganangaha. “Ta•rakgipa, pilaknan ong•gipa aro mikkangchina nichaksogipa silroro-namroroaniko ra•baaniara manderangni, dingtang dingtang dolrangni aro sorkarini gisepo ku•mong nangrime kam ka•anio pangchaka,” ine ua aganaha.
2010 bilsioni SUSCON-ni kam ka•baanirangko gisik ra•atpilanirangko dake, Conference-ni Chairperson Prof. Kailash Choudhary, iani biding poraia-skianirangko bang•bate nikna man•engaha, uandake ia bilsian king 300-na baten segimin lekkarangko man•soaha aro king 122-ko presentation-na baseaha ine aganangaha.
Padma Shri man•gipa aro ong•telaigipa samtangtangko ripingna kam ka•gipa Himmat Ram Bhambhu, chiko ripingani aro sam-bolrangko ge•anirangko dakna bilakbate kam ka•na nangenga inenba ia ong•telaigipa gam-jinrangko an•tangtangnin ong•a ine manderangni kange ra•anichi dingtang dingtang obostarang sokbagenchimoba bilake dongna dakchaka ine talatangaha.
Uandake, silroro-namroroaniko ra•baanio carbon gri ong•atani gimin panel discussion-ko ong•atangaha aro University of Jyväskylä-oni (Finland) re•bagipa Dr. Stefan Baumeister re•a-doani cholrangko dingtangatanichi carbon bang•ako komiatani gimin bang•en agan-talatanirangko dakangaha.
Tom•bimonganiko matchotatengon, IIM Shillong, re•baenggipa SUSCON XIII-na tarisogimin chanchianirangko parakatangaha:
* Dingtang dingtang a•songrang baksa bakrime am•sandianirangko dakanirangchi aro sustainability lab-rangchi global footprint-ko ning•tubatatna
* Kamrangko a•bachengatanichi aro applied research-ko jakkalanichi chanchisamsoanirang aro kam ka•anirangko bilakbatatani
* Dingtang dingtang cholrang aro chatro-chattirangni dilanichi am•sandianirangko dake chadamberangna bilakbate kam ka•anirang
Uandake, SUSCON-ara dingtangmanchagipa dilgiparangko tarigipa ong•a, jemangan janggi tangani gadangrangko namdapatna kam ka•anik samtangtangko ripingna ja•kurangkoba de•e mikkangchi, India a•songko namgipa aro carbon komigipa biap ong•na krengdilgen ine IIM-ni manderang parakataha.
Na·simang iakoba nina man·gen:
Na·simang iakoba poraina man·gen: Sak 1000 mangna bate Meghalaya-ni skigiparang Delhi-o ong·atgipa jegalanio bak ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
