Delhi, Nov 25: Sombar salo, Teachers Eligibility Test (TET) pass ka·kugijagipa pilak skigiparangkon bilsi 2-ni gisepo pass ka·na nangchongmota ine Supreme Court-ni on·gimin ge·etaniko, New Delhi-ni Jantar Mantar-o jinma tom·e jegalaniko dakanio sak 1000 mangna bate Meghalaya-ni primary skulrango skigipani kamko ka·enggiparangba re·ange bak ra·etokaha.
All India Primary Teachers’ Federation (AIPTF) ia jegalaniko ong·atangaha jeon India a·songni sak 50,000 mangna baten skigiparangni bak ra·aniko nikna man·aha.
Khasi, Jaintia aro Garo Hills-ni skigiparang ia jegalanio All Meghalaya Primary School Teachers Association (AMPSTA) aro APSTA-ni ning·o AMPSTA-ni General Secretary F. C. Shullai aro President Dipak Marak-ni dilanio bak ra·angpaaha. Skigiparangni ia jegalanio bak ra·aniara, Court-ni on·gimin ge·etani maikai uamangna nangchakeaniko ra·bagenchim una jajrengsoaniko mesoka.
AMPSTA aro APSTA-ni dilgiparang, Supreme Court-ni on·gimin ge·etaniko Court-o badi ka·dopilna AIPTF-ni miksonganina chakpaaniko on·angaha. TET-ko bilsi 2-ni gisepo pass ka·china somoi on·aniara dakna amgijani ong·an baksana sak hajalni hajal ru·uta bilsirangna skulrango skigipani kamko ka·enggiparangna bang·bea sinjetani ba bal bojako gatdapani ong·a ineba uamang janapataha.
Na·simang iakoba nina man·gen:
Na·simang iakoba poraina man·gen: Assam Assembly-ni Winter Session-ko da·aloni a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
