Shillong, Sept 20: Meghalaya-ni Governor Pa Satya Pal Malik aro Meghalaya Home aro Education-ni Minister Pa Lakhmen Rymbui aro a·dokni gipin niksenggipa dilgiparang gimikni dongpaanio, Meghalaya University of Science and Technology (USTM)ni chetgipa convocation-ko Mongolbar salo ong·atangaha.

Salni programo, University-o poraigipa gimik sak 1305 graduate ong·gimin chatro-chatrirangna degree award-rangko on·tokaha, jeoni sak 15 scholar-rangna PhD degree-rangko, sak 775 chatrorangna Post Graduate degree-rangko aro sak 515 chatrorangna Undergraduate degree-rangko on·angaha.

Sana-banani a·bao bang·en on·gilanirangko dakahanina Down Town Hospital-ni saksa niksenggipa ENT specialist aro Chancellor, Dr. N. N. Dutta-na honorary D.Sc upadiko on·angaha. Indake, dingtang dingtang koborrangko sokatanio ba journalism-ni a·bao bang·bea on·gilanirangko dakahanina a·dokni Education minister gitcham aro Shillong-ni saksa a·gipi journalist aroba Padma Shri upadiko ra·chakmangimin Pa Manas Choudhary-na honorary D.Litt upadiko on·angskaaha.

Unomiting, USTM-ni Chancellor M. Hoque-ni tom·bagipa sakantina aganprakangengon, “Ia universty-ko a·gilsak gimiko ge·sa nambatgipa university ong·atna gita chingo mangsongani gnang ine aganenba, uamangni re·mikkanganio aro university-ko a·gilsako niksenggipa ong·atanio aro a·songko nambata gadangona rikanio iandakgipa a·bao dingtangmancha gisik on·e kamko ka·gipa pilakkon uamang baksa bakrimanirangko on·china gitaba mol·molaniko on·angjolaha.