Williamnagar, Sep 17: India a·songni Prime Minister Narendra Modi-ni a·bachengate on·gipa ‘Swasth Nari, Sashakt Parivar’ Abhiyan-ko Budbar salo, East Garo Hills a·jani Williamnagar-oba a·bachengataha.
Ia Swasth Nari, Sashakt Parivar-ni miksonganiara ‘An·senggipa Me·chik, Mangrakgipa Nokdang’ ine ong·a aro ia program-ko ma·mong sorkari, me·chikrangna an·seng baljokaniko on·e, 2047 bilsini gisepo India a·songko tang·dogipa a·song ong·atna niksamsoani baksa a·bachengataha.
Ia program-ko Williamnagar-o a·bachengatanio, dingtang dingtang health official-rang, songko nokko dilgiparang aro jolo songdongenggipa manderangba bak ra·angtokaha.
Ia tom·anio, East Garo Hills a·jani Additional District Medical & Health Officer Dr Bichit Rani Ch Marak, rimchaksoani kattarangko aganangaha aro ia program-ni bidingo East Garo Hills a·jani District Medical & Health Officer Dr CEN Sangma, talate on·angskaaha.
Ia program-ko a·bachengatani bidingo Dr Sangma, Hub News-na agan-talate on·angengon, ia programara, me·chikrangna janggi tangani cholrangko on·e, uamangni aro uamangni nokdangna an·seng baljokaniko on·na gita miksonge ra·gatgipa program ong·a ine parakataha.
Meghalaya a·dokara ma·gipachiko ra·gipa songsalan ong·genchimoba da·alonan me·chikrang songsalo neng·nikanirangko chagrongna nangtokkuenga ine janapatengon, iandakgipa neng·nikanirangko chel·atna gita sorkari, agan-ku·pattianirangko on·enga ine Dr Sangma aganaha.
Ia tom·anio, East Garo Hills a·jani Deputy Commissioner RP Marak aro Williamnagar Civil Hospital-ni Medical Superintendent Dr JBK Marak-ba dongpae jinmana aganprakengon, me·chikrangna an·seng baljokani aro mikkim gnange janggi tangna cholko on·na nangani gimin aganangaha.
Ia program-ko ong·atanio dingtangmancha an·chiko nangenggipa me·chikrangna NCC-ni membor-rang, an·tangtangni an·chirangko on·gilangtokaha.
Bon·kamao East Garo Hills-ni DMCHO Dr AA Momin, mittelpilani kattarangko agane, ia tom·aniko matchotataha.
Na·simang iakoba nina man·gen:
Na·simang iakoba poraina man·gen: Assam-oba taxi salgiparang jingjengatna a·bachengskaa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
