Tura, June14: Sonibar salo, World Blood Donor Day-ni salko maniani bak gita, Power Blood Donation baksana Central Puja Committee (CPC), Tura Thakurbari Committee aro Tura Bengalee Association apsan bakrimenba, Tura-ni Police Hospital-o Blood Donation Camp-ko ong·atangaha.
Ia camp-ko pringni 10 bajioni a·bachengataha jeon sak 12 manderang re·baenba an·chirangko on·angaha. West Garo Hills-ni Deputy Commissioner Vibhor Aggarwal-ba nama dakmesokani gita an·chi on·chakaniko dakangaha.
Camp-ni Convenor Debraj Roy aro CPC-ni Assistant General Secretary Souvik Sanyal-ba an·chi on·chakan baksana chakpaaniko on·ahanina jinmako de·mitelangaha.
Pilak medical-ni kamrangko, Tura-ni Civil Hospital Blood Bank-ni Dr. Tami G Momin aro uni dol name jakdangdikangaha. An·chi on·chakgipa sakantinan cha·a ringani baksana chonbegipa ki·taprangkoba suale on·angaha.
Ia Blood Donation Camp-ko ong·atchakna gita Police Hospital-ko on·ahanina ong·atgipa dolrang, West Garo Hills-ni Superintendent Of Police baksana dakchakaniko on·gipa Civil Hospital Blood Bank-ni staff-rangkoba de·mitelangaha.
Ia an·chi on·chakaniko ong·ataniara, dingtang dingtang jat ba dolrangni an·tangari re·bae an·chi on·chakaniko ra·dona apsan kamrangko ka·enganiko mesoka.
Na·simang ia video-koba nina man·gen:
Na·simang iakoba poraina man·gen: A·doko rel rama-ko ra·baani bidingo chanchichenge agangrikna nanga: UDP
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
