Shillong, June 14: Meghalayao rel ramako tariani bidingo orto gnang aro pilakko chanchie agangrikanirangko dakna United Democratic Party (UDP) didianiko on·aha. Chanchigija kamrangko ka·anirangko dakjana ine ku·chake, a·dokni bikotgipa all-party committee-o UDP bak ra·gen ine an·tangni partyni memberrangko bimung mingaha.
Name agangrikaniko dakgija UDP rai-rangko ra·ja ine partyni President Metbah Lyngdoh talataha. “Mamung pangchakani gri bakrimani ba jegalaniara namako dakani ong·ja ine angade chanchia,” ine Lyngdoh aganaha.
Committeeni niamrangko UDP namen u·ia aro uano name orto gnang bak ra·nan on·kangenga ineba Lyngdoh agandapaha. Una agreba, je rai-ko ra·na skangba, committee memberrangkosan ong·aigija, pilak bak ra·giparangni agananiko knachakchenggen ine sorkari tale u·iataha ine Lyngdoh aganangkuaha.
Ia committee-ara uni skanggipa tom·aniko ong·atkujani gimin, ia rel ramako ra·baani bidingo UDP chakgenma jegalgenma agannani ong·kuja ine Lyngdoh talate on·aha.
Uandake, ge·gittam opposition partyrang, chong·motan Voice of the People Party (VPP), Trinamool Congress (TMC) aro Congress ia committee-o bak ra·na jechakaha. Indake ong·genchimoba, a·dok sorkari, aro unbaksa Deputy Chief Minister Prestone Tynsong aro Government Spokesperson Paul Lyngdoh, a·dokni rel watani niamrangko tarianio uamangko bak ra·china didiaha.
Na·simang ia video-koba nina man·gen:
Na·simang iakoba poraina man·gen: Assam-ni CM, Dibrugarh-o gital City Hospital-ko rikna pangchakaniko songe on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
