Dibrugarh, June 14: Sonibar salo, Assam a·dokni Skotong Minister Himanta Biswa Sarma, Dibrugarh-ni Jail Road-o ge 200 palang dona chakgipa gital City Hospital-ko rikna gita pangchakaniko songe on·angaha aro ian Assam Medical College aro Hospital (AMCH)-ni bak ong·a. Ia gital hospital-ko rikanichi, AMCH-o mande bang·aniko komiatna dakchakan baksana Upper Assam-o sana bananiko nambatatna dakchakgen.
World Bank-funded Assam State Secondary Healthcare Initiative for Service Delivery Transformation (ASSIST) Project-ni ning·o rikna sienggipa ia hospital-o chu·gimik gadang 7 (B+G+6) donggen. Bigha 10-ni a·ao rikna sienggipa ia hospital-ara kror 206 damni ong·gen jeni apalanian 29,087 square metre mang ga·akgen. Ia hospital-ko bilsi 2-o matchotatna ka·dongsoenga.
Official-rangni u·iatani gitade, ge 200 palangrangoni, ge 120-de an·o donggipa ma·giparangna aro mitamrangde gipin department-rang jekai Medicine, Surgery, Orthopedics aro Pediatrics-rangna ong·gen.
Union Minister Sarbananda Sonowal aro Assam-ni Minister-rang jekai Jogen Mohan, Prasanta Phukan, Bimal Borah baksana gipin MLA-rang aro agipibatgipa official-rangba ia tom·bimonganio dongpae bak ra·angaha.
Na·simang ia video-koba nina man·gen:
Na·simang iakoba poraina man·gen: SSA Fourth Division Footbal League-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
