Shillong, Nov 4: Mongolbar salo, East Khasi Hills a•jani District Disaster Management Authority (DDMA), Meghalaya State Disaster Management Authority (SDMA) baksa nangrime, Yuva Aapda Mitra Scheme (YAMS)-ni ning•o, skie ra•gimin sak 434 Yuva Aapda Mitra volunteer-rangna Emergency Responder Kit (ERK)-rangko, Shillong songjinmani U Soso Tham Auditorium-o suale on•ataha.
Ia program-ko ong•atanio, Meghalaya a•dokni Revenue & Disaster Management Minister Lahkmen Rymbui, mongsonggipa sokgipa ong•e bak ra•angaha aro unbaksana dingtang dingtang department-ni official-rangba bak ra•angtokaha.
Ia program-ko ong•atani bidingo, East Khasi Hills a•jani Deputy Commissioner aro DDMA-ni Chairperson RM Kurbah, jinmana talate on•angengon, a•sel ong•ani somoirango dakchakanirangko on•anio chadamberangni dakna nanggni kamrangko aro iandakgipa a•selrangna tarisamsona nangani gimin agan-talate on•angjolaha.
Ia tom•anio, a•dokni Revenue & Disaster Management Minister Lahkmen Rymbui, tom•anio bak ra•giparangna aganprakangengon, ong•telaigipa a•sel ong•ani somoirango manderangna dakchakanirangko on•na gita an•tangtangko on•kangengani gimin Aapda Mitra volunteer-rangko mittelpilangenba, iandakgipa kamrango sorkarini dakchakanirangko on•na kam ka•engani gimin janapangaha.
Ia program-ko ong•atanio dongpae jinmana aganprakanggipa gipin manderangara, East Khasi Hills a•jani ADC aro DDMA-ni CEO S Warjri, Revenue & Disaster Management Department-ni Commissioner & Secretary M War Nongbri aro gipinrang ong•a.
Na·simang iakoba nina man·gen:
Na·simang iakoba poraina man·gen: NITI Aayog aro M’laya sorkari, HCRPI-ni gimin Workshop-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
